നമ്മുടെ ജീവിതത്തിൽ ട്രോളുകൾക്ക് എന്തുമാത്രം പ്രാധാന്യമുണ്ട് എന്ന് തെളിയിക്കുകയാണ് സംസ്ഥാനത്തെ നാട്ടു വഴിയിൽ പ്രത്യക്ഷപ്പെട്ട ഈ പോസ്റ്റർ. പലവിധത്തിലും പറഞ്ഞു നോക്കി സർക്കാരിനോട് റോഡ് ഒന്ന് നന്നാക്കിത്തരാൻ, ഒരു രക്ഷയുമില്ല. അപ്പോൾ പിന്നെ എന്താ ചെയ്യുക?
ഉടൻ അടുത്ത തന്ത്രം പ്രയോഗിച്ചു. കിരീടം സിനിമയിൽ, തിലകൻ, മകനായ മോഹൻലാൽ കഥാപാത്രത്തോട് പറയുന്ന ആ ക്ലാസ് ഡയലോഗ് ഇല്ലേ..? കത്തി താഴെ ഇടെടാ...നിന്റച്ഛനാടാ പറയുന്നേ..കത്തി താഴെ ഇടാൻ... ആ മോഡൽ ട്രോൾ വച്ചൊരു ഉഗ്രൻ പരീക്ഷണം..നിന്റെ അച്ഛനാടാ പറയുന്നേ റോഡ് ടാർ ചെയ്യടാ...
ഇതെഴുതി വച്ച ആ ' അതിബുദ്ധിമാന്'' റോഡ് ടാർ ചെയ്തു കിട്ടിയോ ഇല്ലയോ എന്ന് മാത്രം പിടിയില്ല. പക്ഷെ, സോഷ്യൽ മീഡിയയിൽ വൈറലായി പറക്കുകയാണ് ഈ ചിത്രം.