തുടര്ച്ചയായി മൂന്നാം തവണയും സിവില് സര്വീസ് പരീക്ഷയുടെ തലപ്പത്ത് വനിതകളുടെ വിജയഭേരി. സ്വര്ണ്ണഖനിയുടെ നാടായ കോളാറില് നിന്നെത്തിയ നന്ദിനി കെ. ആര്. നേടിയത് രാജ്യത്തെ ഓരോ പെണ്കുട്ടിക്കും അഭിമാനിക്കാവുന്ന പത്തരമാറ്റ് തിളക്കമുള്ള വിജയം. വിദ്യാഭ്യാസം, വനിതാ ശാക്തീകരണം എന്നീ മേഖലകളില് തന്റേതായ സംഭാവനകള് നല്കണം എന്നതാണ് ഈ സിവില് സര്വീസ് ടോപ്പറുടെ ആഗ്രഹം. 2014ല് ആന്ധ്രാ പ്രദേശില് നിന്നുള്ള ഇറാ സിംഗാളും 2015ല് ഡല്ഹി സ്വദേശിനി ടീനാ ദാബിയുമാണ് സിവില് സര്വീസില് ഒന്നാം റാങ്ക് നേടിയത്.
നിലവില് ഇന്ത്യന് റവന്യൂ സര്വീസില് പ്രൊബേഷന് കാലാവധിയിലാണ് നന്ദിനി. 2014ലെ സിവില് സര്വീസ് പരീക്ഷയില് 849-ാം റാങ്ക് നേടിയതിനെ തുടര്ന്നാണ് റവന്യൂ സര്വീസില് നിയമനം ലഭിച്ചത്. എന്ജിനീയറിങ് മേഖലയില് നിന്നാണ് നന്ദിനി ഇന്ത്യയുടെ പരമോന്നത ഉദ്യോഗസ്ഥ വൃന്ദത്തിലേക്ക് കാലെടുത്ത് വയ്ക്കാനൊരുങ്ങുന്നത്.