ദുബായ് ∙ ഒന്നാമത്തേത് ഒന്നുമല്ല, രണ്ടാം ഭാഗമാണ് യഥാർഥ ബാഹുബലി. കിടിലോൽക്കിടിലൻ–കണ്ണുംനട്ട് കാത്തിരുന്ന ബാഹുബലിയുടെ രണ്ടാം ഭാഗം കണ്ട് ദുബായിലെ തിയറ്ററുകളിൽ നിന്നിറങ്ങിയ പ്രേക്ഷകരുടെ ആദ്യ പ്രതികരണമിതാണ്. യുഎഇ സമയം വൈകിട്ട് നാലിനായിരുന്നു യുഎഇയിലെ തിയറ്ററുകളിൽ ബാഹുബലിയുടെ ആദ്യ പ്രദർശനം.
അര മണിക്കൂർ വിട്ടാണ് ഒരു തിയറ്ററുകളിലെ വ്യത്യസ്ത സ്ക്രീനുകളിൽ ചിത്രം പ്രദർശിപ്പിച്ചത്. ഒാരോ ഷോ കഴിഞ്ഞിറങ്ങുന്നവരോടും അടുത്തതിന് കാത്തിരിക്കുന്നവർക്ക് ചോദിക്കാനുണ്ടായിരുന്നത് ഒന്നു മാത്രം– കട്ടപ്പ എന്തിനാണ് ബാഹുബലിയെ കൊന്നത്? ലഭിച്ച മറുപടി ഇതായിരുന്നു: അത് കൊന്നാലും പറയില്ല. കണ്ട് തന്നെ അറിയേണ്ട സംഭവമാണത്.