എന്റെ ക്യാപ്റ്റൻസിയെ വിലയിരുത്താനുള്ള സമയമായിട്ടില്ല. ഓരോ പരമ്പരയും കഴിയുമ്പോൾ ക്യാപ്റ്റൻ വിജയമാണോ പരാജയമാണോ എന്ന് അന്വേഷിക്കുന്നതിൽ അർഥമില്ലെന്നും വിരാട് കോഹ്ലി പറഞ്ഞു.
ഓസ്ട്രേലിയയ്ക്ക് എതിരെയുള്ള ടെസ്റ്റ് പരമ്പരയ്ക്കു മുൻപത്തെ മാധ്യമസമ്മേളനത്തിലായിരുന്നു ഈ പരാമർശം. ക്യാപ്റ്റൻ മികച്ചതാവുന്നതു കളിക്കാർ നന്നാവുമ്പോഴാണ്. ക്യാപ്റ്റൻസി വ്യക്തിപരമായി വിലയിരുത്തപ്പെടേണ്ടതുമല്ല.
ടീം നന്നായി കളിക്കുമ്പോൾ ക്യാപ്റ്റനു ഗ്ലാമർ കൂടും. തുടർച്ചയായി തോറ്റാൽ ക്യാപ്റ്റൻസി പരാജയപ്പെടുകയും ചെയ്യും. എന്റെ ക്യാപ്റ്റൻ സ്ഥാനത്തെ വിലയിരുത്താൻ മാത്രമുള്ള കാലമായിട്ടില്ല. – കോഹ്ലി പറഞ്ഞു.