സാധാരണയായി ആളുകളെ പറ്റിക്കുന്ന തരത്തിലുള്ള പരിപാടികൾ ചാനലുകളിൽ കാണിക്കാറുണ്ട്. വിദഗ്ദമായി തയ്യാറാക്കുന്ന ഇത്തരം വിഡിയോകൾ കോമഡിക്ക് വേണ്ടിയാണ് അവതരിപ്പിക്കാറ്. പ്രേക്ഷകരെ രസിപ്പിക്കുന്ന ഇത്തരം പരിപാടികൾക്ക് ആരാധകരും കൂടുതലാണ്. ഇതുപോലൊരു പ്രമോ വിഡിയോ ഒരുക്കിയിരിക്കുകയാണ് പ്രമുഖ കാർ നിർമ്മാതാക്കളായ നിസ്സാൻ.
അതീവ രസകരമായി ഒരുക്കിയിരിക്കുന്ന ഈ വിഡിയോയാണ് ഇപ്പോൾ സമൂഹ മാധ്യമങ്ങളിൽ വൈറലായിക്കൊണ്ടിരിക്കുന്നത്. ദില്ലിയിലെ ഒരു മൈതാനത്ത് അതിരാവിലെ ക്രിക്കറ്റ് പരിശീലനത്തിനെത്തിയ കുട്ടികൾ. അവർക്കിടയിലേക്ക് അപരിചിതനായ ഒരാൾ എത്തുന്നു. അയാൾ ക്രിക്കറ്റിനെക്കുറിച്ച് ഓരോന്നും പറഞ്ഞു കുട്ടികളെ ശല്യപ്പെടുത്തുന്നു. പരിശീലിക്കുന്ന കുട്ടികളെ ഉപദേശിക്കുന്നു. കുറച്ചുകഴിഞ്ഞപ്പോൾ തനിക്കു കൂടി ക്രിക്കറ്റ് കളിക്കണമെന്ന് ആവശ്യപ്പെടുന്നു.