കൊല്‍ക്കത്ത ക്രിക്കറ്റ് ടെസ്റ്റിലെ ആദ്യദിവസത്തെ മല്‍സരം വെളിച്ചക്കുറവ് മൂലം നേരത്തെ അവസാനിപ്പിച്ചു. മഴയെത്തുടര്‍ന്ന് വൈകി ആരംഭിച്ച മല്‍സരത്തില്‍ 10 ഓവറുകള്‍ മാത്രമാണ് എറിഞ്ഞത്. ലങ്കന്‍ പേസര്‍ സുരംഗ ലക്മാലിന്റെ ബൗളിങ്ങില്‍ തകര്‍ന്ന ഇന്ത്യ 3 വിക്കറ്റ് നഷ്ടത്തില്‍ 17 റണ്‍സെന്ന നിലയിലാണ്.
തുടര്‍ച്ചയായ ഒന്‍പതാം ടെസ്റ്റ് പരമ്പര വിജയം മോഹിച്ചിറങ്ങിയ ഇന്ത്യയ്ക്ക് ആദ്യപന്തില്‍ തന്നെ തിരിച്ചടി നേരിട്ടു. മഴയും വെളിച്ചക്കുറവും വില്ലനായ മല്‍സരത്തില്‍ ഇന്ത്യന്‍ ബാറ്റിങ് നിരയെ സുരംഗ ലക്മാല്‍ വരിഞ്ഞു മുറുക്കി. 8 റണ്‍സെടുത്ത ശിഖര്‍ ധവാനായിരുന്നു രണ്ടാമത്തെ ഇര. താളം കണ്ടെത്താന്‍ വിഷമിച്ച ക്യാപ്റ്റന്‍ കോഹ്‌ലിയെ അക്കൗണ്ട് തുറക്കാന്‍ പോലും അനുവദിച്ചില്ല ലക്മാല്‍
ആറ് ഓവറുകള്‍ ബോള്‍ ചെയ്ത ലക്മാല്‍ ഒരു റണ്‍ പോലും വഴങ്ങാതെയാണ് 3 വിക്കറ്റുകള്‍ പിഴുതത്. അജിങ്ക്യ രഹാനെയും ചേതേശ്വര്‍ പൂജാരയുമാണ് ഇന്ത്യയ്ക്കു വേണ്ടി ക്രീസില്‍.
