പൊലീസ് വരുന്നത് കണ്ട് ചിതറിയോടിയ ചീട്ടുകളി സംഘത്തിലെ ആൾ വീണു മരിച്ചു. കൈപ്പട്ടൂർ സ്വദേശി വിനോദാണ് മരിച്ചത്. ക്ഷേത്രത്തിന് സമീപത്തെ പുരയിടത്തിൽ ചീട്ടുകളി നടക്കുന്നതറിഞ്ഞാണ് പൊലീസ് സംഘം എത്തിയത്.
സംഘത്തിലെ 4 പേരിൽ 2 പേരെ പൊലീസ് കസ്റ്റഡിയിലെടുത്തു. പിന്നീട് സമീപവാസിയാണ് റബർ തോട്ടത്തിൽ അബോധാവസ്ഥയിൽ വിനോദിനെ കാണുന്നത്. ആശുപത്രിയിൽ എത്തിച്ചെങ്കിലും മരിച്ചു. അതേസമയം ചീട്ടുകളി സംഘത്തിൽ വിനോദ് ഉണ്ടായിരുന്നില്ലെന്നാണ് പൊലീസ് പറയുന്നത്. സംഘത്തിലെ ആളുകളിൽ രണ്ടുപേരെ കസ്റ്റഡിയിലെടുത്തെന്നും പൊലീസ് വ്യക്തമാക്കി.