ഷാർജ∙പുതിയ അമേരിക്കൻ പ്രസിഡന്റായി സ്ഥാനമേറ്റ ഡോണൾഡ് ട്രംപിനെതിരെ കേരളത്തിൽ നിന്ന് ആദ്യത്തെ അമ്പ്. സാഹിത്യകാരനും മുൻ ബാങ്ക് ഉദ്യോഗസ്ഥനുമായ സേതുവാണ് തന്റെ ഫേസ്ബുക്ക് പേജിൽ ട്രംപിന്റെ അമേരിക്ക അമേരിക്കക്കാർക്ക് എന്ന നിലപാടിനെതിരെ ശക്തമായി പോസ്റ്റിട്ടത്.
സേതുവിന്റെ പോസ്റ്റിലേയ്ക്ക്: ''അദ്ദേഹത്തിന്റെ തുറുപ്പു ചീട്ടുകൾ ഇറക്കാൻ തുടങ്ങിയപ്പോൾ ചില സംശയങ്ങൾ പൊങ്ങി വരുന്നു. അമേരിക്ക അമേരിക്കക്കാർക്ക് മാത്രമെങ്കിൽ ആരാണ് ശരിയായ അമേരിക്കക്കാരൻ ? ഈ കാണുന്നവരൊക്കെ (അദ്ദേഹത്തിന്റെ പൂർവികരടക്കം ) ഏതൊക്കെയോ രാജ്യങ്ങളിൽ നിന്ന് വന്നു കയറിയവരല്ലേ. യുഎസ് കുടിയേറ്റക്കാരുടെ നാടല്ലേ?