മോട്ടോർ വാഹനങ്ങളുടെ തേർഡ് പാർട്ടി ഇൻഷുറൻസ് പ്രീമിയം അൻപത് ശതമാനം വരെ വർധിപ്പിക്കാനുള്ള കേന്ദ്രസർക്കാർ നിർദേശത്തിൽ പ്രതിഷേധിച്ച് സംസ്ഥാനത്ത് മാർച്ച് 30ന് 24 മണിക്കൂർ വാഹനപണിമുടക്ക്. ഇൻഷുറൻസ് പ്രീമിയം വർധന പിൻവലിക്കണമെന്നാവശ്യപ്പെട്ടാണ് പണിമുടക്ക്. സമരത്തിൽ നിന്നു ബിഎംഎസ് വിട്ടുനിൽക്കും. 2017 – 2018 സാമ്പത്തിക വര്ഷത്തില് പുതിയ വർധനവ് നടപ്പാക്കുവാനാണ് നിര്ദ്ദേശം.
ആയിരം സിസി മുതല് ആയിരത്തി അഞ്ഞൂറ് സിസി വരെയുള്ള വാഹനങ്ങളുടെ തേർഡ് പാർട്ടി ഇന്ഷുറന്സ് പ്രീമിയം അന്പത് ശതമാനം വര്ധിപ്പിക്കാനാണ് റെഗുലേറ്ററി ആൻഡ് ഡെവലപ്മെന്റ് അതോറിറ്റി (ഐആർഡിഎ) നിർദേശം. ഇതോടെ പുതിയ വാഹനം വാങ്ങുന്നവര്ക്കും നിലവിലെ ഇന്ഷുറന്സ് പുതുക്കുന്നവര്ക്കും പ്രീമിയം ചെലവില് കാര്യമായ വര്ധനയുണ്ടാകും. മറ്റ് ഇന്ഷുറന്സ് പോളിസികള് പോലെ മോട്ടര് വാഹന നിയമപ്രകാരം വാഹനങ്ങള്ക്ക് നിര്ബന്ധമായും ഉണ്ടായിരിക്കേണ്ട ഇന്ഷുറന്സാണിത്.