ഭീഷണികൾക്കും വീട്ടുകാരുടെ എതിർപ്പുകൾക്കും മുമ്പിൽ പതറാതെ പൊരുതിയ ഒരു കൂട്ടം പെൺകുട്ടികളുടെ വിജയമാണ് ലോ അക്കാദമിലേത്. അക്കാദമിക്കുള്ളിലെ കൊള്ളരുതായ്മകൾ വിളിച്ചു പറയാൻ അവർ ധൈര്യം കാട്ടിയപ്പോൾ പൊതുസമൂഹവും പിന്നിൽ ഉറച്ചുനിന്നു. ലോ അക്കാദമിയിലെ സമരമുഖത്തു നിന്നു ഉയർന്ന് കേട്ടതിലേറെയും പെൺ സ്വരമായിരുന്നു.
അനീതിയും അവഹേളനവും അവസാനിപ്പിക്കുമെന്ന് ഒരു കൂട്ടം പെൺകുട്ടികൾ ഉഗ്രശപഥമെടുത്തപ്പോൾ അധികാരവും സ്വാധീനവുമൊക്കെ അവർക്ക് മുന്നിൽ ദുർബലമായി.ആര്യയും ആശയും ജസ് ലിനും കൂട്ടായി അറുപതോളം പെൺകുട്ടികളും. ലേഡീസ് ഹോസ്റ്റലിലെ പ്രതിഷേധം ഒടുവിൽ കലാലയ സമരങ്ങളിലെ ചരിത്രമായി. പെൺകുട്ടികൾക്കും പോരാടാനറിയാമെന്ന് ഇവർ തെളിയിച്ചു.ലോ അക്കാദമിയിലെ സമരം പെണ്ണൊരുമയുടെ വിജയമെന്നുകൂടി ചരിത്രം രേഖപ്പെടുത്തും.
×