സുബിന്റെ കണ്ണീരൊപ്പാൻ സുമനസുകളുടെ കനിവ് വേണം

subin-sunil-treatment-help
SHARE

തൊലിപൊട്ടിയിളകിമാറുന്ന അത്യപൂര്‍വ്വ ജനിതക രോഗം ബാധിച്ച ഒന്‍പതുകാരന് സന്മനസുള്ളവരുടെ സഹായം വേണം. തിരുവനന്തപുരം കരമന സ്വദേശി സുബിന്‍ സുനിലാണ് കരുണ തേടുന്നത്. പത്ത് വര്‍ഷം മുമ്പ് ഇതേ അസുഖം കാരണമാണ് സുബിന്റെ ചേട്ടന്‍ മരിച്ചത്. ഇരുപത്തിരണ്ടു വര്‍ഷമായി രണ്ടു മക്കള്‍ക്കായി ഉള്ളതെല്ലാം വിറ്റുപെറുക്കിയ കുടുംബത്തിന് സുബിന്റെ മജ്ജ മാറ്റിവയ്ക്കലിനാവശ്യമായ നാല്‍പതു ലക്ഷത്തോളം രൂപ സ്വപ്നം കാണാന്‍ കഴിയില്ല. 

ഹൃദയമുള്ളവര്‍ക്കൊന്നും കണ്ടു നില്ക്കാനാകില്ല ഈ ഒന്‍പതുകാരന്റെ അവസ്ഥ. തൊലി പൊട്ടിയിളകിമാറാത്ത ഒരിഞ്ചു സ്ഥലമില്ല പിഞ്ചു ശരീരത്തില്‍. പത്തുകൊല്ലം മുമ്പ് പന്ത്രണ്ടാം വയസില്‍ സുബിന്റെ ചേട്ടന്‍ ഉണ്ണിയെ കൊണ്ടുപോയതും ഇതേ അസുഖമാണ്. തൊലിയിളകിമാറി കൈകാലുകളിലെ വിരളുകളെല്ലാം കൂടിച്ചേര്‍ന്നുപോയി. നിവര്‍ന്നു നില്‍ക്കാന്‍ കഴിയാത്ത മകനെ അമ്മയിങ്ങനെ നെഞ്ചോടു ചേര്‍ത്തു പിടിച്ചിരിക്കും.ഡോക്ടര്‍മാരുടെ ഭാഷയില്‍  എപ്പിഡെര്‍മോലൈസിസ് ബുള്ളോസ ഡിസ്ട്രാഫിക്ക എന്നു പേരുള്ള ഇന്ത്യയില്‍ത്തന്നെ അത്യപൂര്‍വ്വമായ ജനിതക രോഗം. അപ്പോളോയിലെ ഡോക്ടര്‍മാര്‍ ഉറപ്പു നല്‍കിയിട്ടുണ്ട് മജ്ജമാറ്റിവയ്ക്കലിലൂടെ ഇവനെ മിടുക്കനാക്കാമെന്ന്.

സുനില്‍കുമാര്‍ കെ.

AC NO- 1824101010955

IFSC CODE- CNRB-0001824

കരമന ത്രിവിക്രമംഗലം ബ്രാഞ്ച്

കാനറാ ബാങ്ക്

ഫോൺ 9995697965

MORE IN KERALA
SHOW MORE