ബാർ കോഴ കേസിലെ പുതിയ വെളിപ്പെടുത്തലിന്റെ പശ്ചാത്തലത്തിൽ സിപിഎമ്മിനെ കടന്നാക്രമിച്ചും കെ.എം മാണിയെ പിന്തുണച്ചും മുൻമുഖ്യമന്ത്രി ഉമ്മൻചാണ്ടി. കേസ് സിപിഎം കെട്ടിച്ചമച്ചതാണെന്ന യുഡിഎഫ് നിലപാട് ശരിവയ്ക്കുന്നതാണ് ബിജു രമേശിന്റെ പുതിയ വെളിപ്പെടുത്തലെന്ന് ഉമ്മൻചാണ്ടി ഷില്ലോങ്ങിൽ മനോരമ ന്യൂസിനോട് പറഞ്ഞു. ഇക്കാര്യത്തിൽ സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ മറുപടി പറയണമെന്ന് ഉമ്മൻചാണ്ടി ആവശ്യപ്പെട്ടു.
