സുൽത്താൻ ബത്തേരി ഡോൺ ബോസ്കോ കോളേജ് അടിച്ചു തകർത്ത സംഭവത്തിൽ പോലീസ് മുൻകരുതൽ സ്വീകരിച്ചില്ലെന്ന് മാനേജ്മന്റ്. മാനന്തവാടി ഡി വൈ എസ് പി ജില്ലാ പോലീസ് മേധാവിക്ക് റിപ്പോർട്ട് നൽകി. പോലീസിന് വീഴ്ച പറ്റിയെന്നാണ് പ്രാഥമിക വിവരം.
കോളേജിൽ നിന്നും പുറത്താക്കിയ എസ് എഫ് ഐ പ്രവർത്തകനെ തിരിച്ചെടുക്കണമെന്നാവശ്യപ്പെട്ടുള്ള മാർച്ചാണ് ഗുണ്ടാ വിളയാട്ടമായത്. എല്ലാം ജനലുകളും അടിച്ചുപൊട്ടിച്ചു. ഉപകരണങ്ങൾ തകർത്തു. ആസൂത്രിതമായ അക്രമമെന്നു മാനേജ്മന്റ്. രഹസ്യവിവരം ഉണ്ടായിട്ടും പോലീസ് മുൻകരുതൽ എടുത്തില്ല.
പോലീസിന് മുന്നിലായിരുന്നു പ്രവർത്തകരുടെ വിളയാട്ടം. മാനന്തവാടി ഡി വൈ എസ് പി ജില്ലാ പോലീസ് മേധാവിക്ക് റിപ്പോർട്ട് നൽകി. ഇന്നലെ പോലീസ് റെയ്ഡ് നടത്തിയിരുന്നു. കണ്ടാലറിയാവുന്ന ഇരുന്നൂറോളം പേർക്ക് എതിരെയാണ് കേസ്