സംസ്ഥാനത്ത് കനത്ത മഴ തുടരുന്നു. വരുന്ന 24 മണിക്കൂറില് വിവിധ കേന്ദ്രങ്ങളില് 7 മുതല് 11 സെന്റിമീറ്റര് വരെ മഴയ്ക്ക് സാധ്യതയുളളതായി കാലാവസ്ഥ നിരീക്ഷണകേന്ദ്രം അറിയിച്ചു. ചിലയിടങ്ങളില് 20 സെന്റീമീറ്റര് വരെ മഴലഭിക്കാനും സാധ്യതയുളളതായി മുന്നറിയിപ്പുണ്ട്. കേരള, ലക്ഷദ്വീപ് തീരങ്ങളില് 55 കിലോമീറ്റര് വരെ വേഗത്തില് കാറ്റ് വീശാന് സാധ്യതയുളളതിനാല് മീന്പിടുത്തക്കാര് കടലില് പോകരുതെന്ന് നിര്ദേശിച്ചുണ്ട്. മഴ തുടരുന്ന സാഹചര്യത്തില് വിവിധ ജില്ലകളില് വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചു.
ആലപ്പുഴ ജില്ലയില് പ്രഫഷണല് കോളജുകള്പ്പെടെ എല്ലാ വിദ്യാഭ്യാസസ്ഥാപനങ്ങള്ക്കും ഇന്നും നാളെയും അവധിയായിരിക്കും. കൊല്ലം, എറണാകുളം ജില്ലകളില് പ്രഫഷണല് കോളജ് ഒഴികെയുള്ള വിദ്യാഭ്യാസ സ്ഥാപനങ്ങള്ക്കാണ് അവധി. ഇടുക്കി ജില്ലയിലെ സ്കൂളുകള്ക്ക് ഇന്ന് അവധി പ്രഖ്യാപിച്ചിട്ടുണ്ട്. കോട്ടയം ജില്ലയിലെ മീനച്ചില് താലൂക്കിലെ വിദ്യാഭ്യാസസ്ഥാപനങ്ങള്ക്കും ഇന്ന് അവധിയായിരിക്കും.