ഒരു വർഷം പൂർത്തിയാക്കുന്ന എൽ.ഡി.എഫ് സർക്കാരിനെതിരെ കുറ്റപത്രവുമായി പ്രതിപക്ഷം. പൂർണ പരാജയമായ പിണറായി സർക്കാരിന് ഫാസിസ്റ്റ് മുഖമാണന്ന് പ്രതിപക്ഷനേതാവ് രമേശ് ചെന്നിത്തല കുറ്റപ്പെടുത്തി. രാഷ്ട്രീയരംഗം അഴിമതി മുക്തമാക്കിയെന്ന് പറയുന്ന മുഖ്യമന്ത്രി ഇ.പി ജയരാജൻ രാജിവച്ചത് എന്തിനാണന്ന് വ്യക്തമാക്കണമെന്നും ചെന്നിത്തല ആവശ്യപ്പെട്ടു.
ഒരു വർഷ·ത്തിനിടെ സർക്കാരിന് സംഭവിച്ച 63 വീഴ്ചകളാണ് കുറ്റപത്രത്തിൽ. രാഷ്ട്രീയരംഗം അഴിമതി മുക്തമാക്കിയെന്ന മുഖ്യമന്ത്രിയുടെ അവകാശവാദത്തിന് ചെന്നിത്തലയുടെ മറുപടി ഇങ്ങനെ
ബാലകൃഷ്ണപിള്ളയ്ക്ക് ക്യാബിനറ്റ് പദവി നൽകിയതോടെ അഴിമതിക്കേസിലെ വാദിയ്ക്കും പ്രതിയ്ക്കും ക്യാബിനറ്റ് പദവി നൽകുന്ന ആദ്യ സർക്കാരായി പിണറായിയുടേത്. ഭരണപരിഷ·്കാര കമ്മീഷൻ കാശിയ്ക്ക് പോയ അവസ്ഥയാണ്. ഒരു വർ·ഷം തികയുമ്പോൾ ഒരു പുതിയ പദ്ധതിപോലും പ്രഖ്യാപിക്കാനായില്ലെന്നും കിബ്ഫി മലർപൊടിക്കാരന്റ സ്വപ്നം മാത്രമാണന്നും ചെന്നിത്തല കുറ്റപ്പെടുത്തി.
രാഷ്ട്രീയരംഗം ശുദ്ധീകരിച്ചുവെന്ന് പറയുന്ന മുഖ്യമന്ത്രി പിണറായി വിജയന്റെ ചർമബലത്തിന് മുന്നിൽ തലകുനിക്കുന്നുവെന്നായിരുന്നു കെ.പി.സി.സി അധ്യക്ഷൻ എം.എം ഹസന്റ പ്രതികരണം. മുഖ്യമന്ത്രിയുടെ വാദം തെറ്റെന്ന് മുസ്ലീം ലീഗും പ്രതികരിച്ചു.