ഡിജിറ്റല്‍ പണമിടപാടുകള്‍ക്ക് നികുതി ഇളവ് നല്‍കണമെന്ന നിര്‍ദേശവുമായി, നോട്ട് അസാധുവാക്കലിനുശേഷമുള്ള സ്ഥിതി വിലയിരുത്തുന്ന സമിതി റിപ്പോര്‍ട്ട് നല്‍കി. നികുതിരഹിതര്‍ക്കും ചെറുകിട കച്ചവടക്കാര്‍ക്കും സ്മാര്‍ട് ഫോണ്‍ വാങ്ങുന്നതിന് ആയിരം രൂപ സബ്സിഡി, അന്പതിനായിരം രൂപയ്ക്കു മുകളിലുള്ള കറന്‍സി ഇടപാടിന് പ്രത്യേക നികുതി , ഡിജിറ്റല്‍ ഇടപാടുകള്‍ക്ക് പ്രത്യേക സേവന നികുതിയായ M.D.R ഒഴിവാക്കുക എന്നിവയാണ് പ്രധാന നിര്‍ദേശങ്ങള്‍. കേന്ദ്രസര്‍ക്കാര്‍ നിയോഗിച്ച സമിതിയുടെ അധ്യക്ഷനായ ആന്ധ്രാപ്രദേശ് മുഖ്യമന്ത്രി ചന്ദ്രബാബു നായിഡു പ്രധാനമന്ത്രി നരേന്ദ്രമോദിക്ക് റിപ്പോര്‍ട്ട് കൈമാറി.
×