ഇന്ത്യയുടെ ദിശാസൂചക ഉപഗ്രഹമായ ഐആർഎൻഎസ്എസ് വണ്എച്ചിന്റെ വിക്ഷേപണം പരാജയപ്പെട്ടു . താപകവചം വേര്പ്പെടുത്താന് കഴിയാത്തതാണ് പരാജയകാരണമെന്ന് ഐഎസ്ആർഒ ചെയര്മാന് എ.എസ്. കിരണ് കുമാര് അറിയിച്ചു. വിവിധഘട്ടങ്ങള് പൂര്ത്തിയാക്കി ഉപഗ്രഹം വിക്ഷേപണവാഹനത്തില് നിന്ന് വേര്പ്പെട്ടെങ്കിലും താപകവചത്തില് കുടുങ്ങുകയായിരുന്നു. എങ്ങനെയാണ് ഇത് സംഭവിച്ചതെന്ന് കണ്ടെത്താനുള്ള ശ്രമത്തിലാണെന്നും അദ്ദേഹം അറിയിച്ചു. ദിശാസൂചക ഉപഗ്രഹമായ ഐആർഎൻഎസ്എസ് 1 എയെ സഹായിക്കുകയായിരുന്നു പുതിയ ഉപഗ്രഹത്തിന്റെ ലക്ഷ്യം.
Advertisement