സ്റ്റാറ്റിസ്റ്റിക്സ് ആൻഡ് കമ്യൂണിറ്റി ഡെവലപ്മെൻ്റ് വകുപ്പ് നടത്തിയ ഷാർജയിലെ ജനസംഖ്യാ കണക്കെടുപ്പ് അവസാനിച്ചു. ആകെ ജനസംഖ്യ 14,05,843 ദശലക്ഷം. ഇവരിൽ 1,75,432 പേർ(12%) പേർ സ്വദേശികളും 12,30,411 പേർ ഇന്ത്യക്കാരടക്കമുള്ള വിദേശികളുമാണ്. ഇതിൽ 834,542 പേർ പുരുഷനും 395,875 പേർ വനിതകളും. ജനസംഖ്യയിൽ 90% പേരും നഗരത്തിൽ പാർക്കുന്നു. ജനസംഖ്യയിൽ 22,290 സ്വദേശികൾ യൂണിവേഴ്സിറ്റി ബിരുദധാരികളാണെന്നും കണ്ടെത്തി.
യുഎഇ സുപ്രീം കൗൺസിൽ അംഗവും ഷാർജ ഭരണാധികാരിയുമായ ഷെയ്ഖ് ഡോ.സുൽത്താൻ മുഹമ്മദ് അൽ ഖാസിമിയുടെ നിർ‌ദേശപ്രകാരമാണ് എമിറേറ്റിൽ രാജ്യാന്തര നിലവാരത്തിലുള്ള സെൻസസ് നടപ്പിലാക്കിയത്. ഷാർജ സെൻസസ് 2015 എന്ന പേരിൽ അറബിക്കിലും ഇംഗ്ലീഷിലും സെൻസസ് കണക്കു പുസ്തകം പുറത്തിറക്കി. എമിറേറ്റിലെ കെട്ടിടങ്ങൾ, വീടുകൾ തുടങ്ങിയ വിവരങ്ങളും സെൻസസിലും ഉൾപ്പെട്ടിരുന്നു. പുസ്തകത്തിൽ വിവരിക്കുന്ന കണക്കുകൾ:
ഷാർജ നഗരത്തിലാണ് ഏറ്റവും കൂടുതൽ പേർ താമസിക്കുന്നത്–1,274,749 പേർ –90.6%. ഖോർഫക്കാൻ 39,151 പേരുമായി (2.8%) രണ്ടാം സ്ഥാനത്തുണ്ട്. കൽബ:37,545(2.7%), ദൈദ്:20,165 (1.4%); ദിബ്ബ :2,573 (0.9%), മദാം:11,120(0.8%), മലീഹ:4,768 (0.3%), ബതായ: 3,958 (0.3%); ഹംരിയ്യ: 3,297 (0.2%).
പ്രായം തിരിച്ചുള്ള കണക്ക്: ഒൻപത് വയസു വരെയുള്ളവരുടെ എണ്ണം–208,025(14.79%); 10 മുതൽ19 വരെ– 132,055(9.93%), 20-39 വരെ–769,813 (54.75%), 40-69 വരെ–285,143 (20.28%); 70-89 വരെ–8,784 (0.62%); +90–342 (0.02%).
ആകെ വിദ്യാർഥികളുട എണ്ണം–253,105. കെജി വിദ്യാർഥികൾ–32,882(12.99%), എലമെന്‍ററി സ്കൂൾ വിദ്യാർഥികൾ– 102,692(40.57%), ചെറിയ ക്ലാസുകളിൽ പഠിക്കുന്നവർ–43,659 (17.24%); സെക്കൻഡറി സ്കൂൾ– 34,028(13.44%), ഡിപ്ലോമാ വിദ്യാർഥികൾ– 2,435(0.96%); ഹൈയർ ഡിപ്ലോമാ വിദ്യാർഥികൾ– 1,088 (0.42%), യൂണിവേഴ്സിറ്റി വിദ്യാർഥികള്‍– 32,685(21.91%), എംഎസ് സി വിദ്യാർഥികൾ–3,177(1.25%), പി.എച്ച്ഡി– 304(0.12%).
15 വയസും അതിന് മുകളിലും പ്രായമുള്ളവരിൽ 30,424 പുരുഷന്മാരും 29,728 വനിതകളും വിവാഹിതരാണെന്നും കണ്ടെത്തി. 22,547 പുരുഷന്മാരും 22,620 വനിതകളും വിവാഹിതരായിട്ടില്ല. 858 പുരുഷന്മാരും 2,478 വനിതകളും വിവാഹ മോചിതരാണ്; 296 പുരുഷന്മാർക്ക് ഭാര്യമാരില്ല. 3,620 വനിതകൾ വിധവകൾ. 188 വനിതകൾ ഭർത്താവ് ഉപേക്ഷിക്കപ്പെട്ടവർ. വിദേശികളിൽ 454,597 പുരുഷന്മാരും 209,818 വനിതകളും വിവാഹിതരായിട്ടില്ല. 261,497 പുരുഷന്മാരും 67,154 വനിതകളും വിവാഹിതരായിട്ടില്ല. വിവാഹ മോചിതർ– 827 പുരുഷന്മാർ, 3,951 സ്ത്രീകള്‍. ഭാര്യയില്ലാത്തവർ 824, 5,379 വിധവകൾ.
15 വയസിനും അതിന് മുകളിലുമുള്ളവരിൽ 1,125,177 പേർ ജോലിയുള്ളവരാണ്. ഇതിൽ 813,554 പേർ മറ്റുള്ളവരുടെ കീഴിൽ ജോലി ചെയ്യുന്നു. 13,219 സ്വന്തം കമ്പനികളിൽ ജോലി ചെയ്യുന്നവർ. 17,898 പേർക്ക് സ്വന്തമായി ബിസിനസ് ഉണ്ട്. 705 പേര്‍ സൗജന്യ സേവനം ചെയ്യുന്നു. 84 സ്വന്തം വീട്ടിൽ ജോലി ചെയ്യുന്നു. നേരത്തെ ജോലി ചെയ്തിരുന്നവരും ഇപ്പോൾ തൊഴിൽരഹിതരുമായവരുടെ എണ്ണം 8,186. ഒരിക്കലും ജോലി ചെയ്യാത്തവർ 32,724. 1,932 പേർ പഠനത്തോടൊപ്പം ജോലി ചെയ്യുന്നവരാണ്. 129,632 പേർ വീട്ടു ജോലി ചെയ്യുന്നു. 11,008 പേർ റിട്ടയേർഡ് ജീവിതം നയിക്കുന്നു. 6,755 പേർ ജോലി ചെയ്യാൻ സാധിക്കാത്തവർ. ഫെഡറൽ ഗവൺമെൻ്റിന് േണ്ടി ജോലി ചെയ്യുന്നവരുടെ എണ്ണം 29,673; ഷാർജാ ഗവൺമെൻ്റ് വിഭാഗങ്ങളിൽ ജോലി ചെയ്യുന്നവർ 45,434 എണ്ണവും സ്വകാര്യ മേഖലയിൽ ജോലി ചെയ്യുന്നവർ; 575,610 ഉം ആണ്.
എമിറേറ്റിൽ ആകെ കെട്ടിടങ്ങളുടെ എണ്ണം– 6,991. ഇതിൽ 240,815 എണ്ണം അപാർട്മെൻ്റുകളാണ്. ഷാർജ നഗരത്തിലാണ് ബഹുനില കെട്ടിടങ്ങൾ ഏറ്റവും കൂടുതൽ– 6,195. ഇതിൽ 243,961 എണ്ണം അപാർട്മെൻ്റുകളും. ഖോർഫക്കാനിലെ ബഹുനില കെട്ടിടങ്ങളുടെ എണ്ണം–285. കൽബ–255, ദൈദ്–965; മദാം–35. ദിബ്ബ–92. മലീഹയിലും ഹംരിയ്യയിലും ആറ് വീതം. ബതായ–അഞ്ച്.
എല്ലാവരുടെയും ആത്മാർഥ ശ്രമമാണ് സെൻസസ് ഇത്ര വിജയകരമാക്കിത്തീർത്തതെന്ന് ഡിഎസ് സിഡി ചെയർമാൻ ഷെയ്ഖ് മുഹമ്മദ് ബിൻ അബ്ദുല്ല അൽ താനി പറഞ്ഞു. ഷാർജയുടെ സർവോന്മുഖ വികസനത്തിന് സെൻസസ് കണക്കുകൾ ഗുണം ചെയ്യും. ഒട്ടേറെ പഠനങ്ങൾക്ക് ശേഷം കഴിഞ്ഞ വർഷം ആദ്യമാണ് ഷാർജ സെൻസസ് ആരംഭിച്ചത്.
