മസ്കത്ത്: ഒമാനിലെ എണ്ണ ഉത്പാദകരുടെ ഉത്പാദന തോത് എണ്ണ - പ്രകൃതി വാതക മന്ത്രാലയം പുതുക്കി നിശ്ചയിച്ചു. ഒപെകുമായുള്ള ധാരണയുടെ അടിസ്ഥാനത്തിലാണ് കമ്പനികള്ക്കുള്ള ഉത്പാദന അളവ് കുറച്ചത്. ഉത്പാദനത്തില് ദിനം പ്രതി 45,000 ബാരല് അസംസ്കൃത എണ്ണ കുറവ് വരുത്താനാണ് ഒമാന് - ഒപെക് ധാരണ.
കഴിഞ്ഞ ഡിസംബറിലെ കണക്കു പ്രകാരം 970,094 ബാരല് അസംസ്കൃത എണ്ണയാണ് ഒമാന് ദിനംപ്രതി ഉത്പാദിപ്പിക്കുന്നത്. പി ഡി ഒ 652, 000, ഒക്സിഡെന്റല് ഒമാന് - 218,585, ദലീല് പെട്രോളിയം - 48,000, സി സി എനര്ജി - 41,000, മറ്റുള്ളവര് - 10,509 എന്നിങ്ങനെയാണ് കമ്പനികളുടെ പുതുക്കി നിശ്ചയിച്ച ഉത്പാദിപ്പിക്കാവുന്ന എണ്ണയുടെ അളവ്.