ന്യൂഡല്‍ഹി∙ കുവൈത്തില്‍ അപകടത്തില്‍പെട്ട് അബോധാവസ്ഥയില്‍ ആശുപത്രിയില്‍ കഴിയുന്ന മലയാളി സ്ത്രീയെക്കുറിച്ചുള്ള വിവരങ്ങള്‍ കുവൈത്ത് എംബസിയില്‍നിന്നു തേടിയതായി കേന്ദ്ര വിദേശകാര്യമന്ത്രി സുഷമാ സ്വരാജ്. കുവൈത്ത് പേള്‍ കാറ്ററിങ് കമ്പനിയില്‍ ജോലി ചെയ്യുന്ന മലയാളിയായ ആനി കൊച്ചുകുഞ്ഞ് എന്ന സ്ത്രീ അപകടത്തില്‍ ഗുരുതരമായി പരുക്കേറ്റ് ഫര്‍വാനിയ ആശുപത്രിയില്‍ ചികിത്സയിലാണെന്നും സഹായിക്കണമെന്നും ആവശ്യപ്പെട്ട് അബുദാബിയിലുള്ള സാമൂഹികപ്രവര്‍ത്തകനായ മിനിസിയോസ് ബര്‍ണാഡാണ് സുഷമയ്ക്ക് ട്വീറ്റ് ചെയ്തത്. ആശുപത്രിയില്‍ കഴിയുന്ന ആനിയുടെ ചിത്രവും ട്വിറ്ററില്‍ പോസ്റ്റ് ചെയ്തിട്ടുണ്ട്. ആനിയെക്കുറിച്ചുള്ള കൂടുതല്‍ വിവരങ്ങള്‍ ലഭ്യമായിട്ടില്ല.
×