ദുബായ് : ഫ്രഞ്ച് കമ്പനി വികോ യു എ ഇ യിൽ മൊബൈൽ ഫോണുകൾ പുറത്തിറക്കി . ജെ കെ ഗ്രൂപ്പിന് കീഴിലുള്ള നാഷണൽ സ്റ്റോർ ആണ് വിതരണക്കാർ . പടിഞ്ഞാറൻ യൂറോപ്യൻ രാജ്യങ്ങളിൽ മൊബൈൽ ഫോൺ കമ്പോളത്തിൽ വികോ ഒന്നാം സ്ഥാനത്താണെന്ന് നാഷനൽ സ്റ്റോർ ജനറൽ മാനേജർ സാലഹ് ഖൂറി പറഞ്ഞു. ഫ്രാൻസിൽ രണ്ടാം സ്ഥാനമുണ്ടെന്നും വ്യക്തമാക്കി .
യു എ ഇ കമ്പോളത്തിൽ ഒരു വർഷത്തിനകം പത്തു ശതമാനം വികോ ആയിരിക്കുമെന്ന് മേഖലാ ഡയറക്ടർ ദിദിയർ കാർമിൽ പറഞ്ഞു . ലോകത്തിലെ ഏറ്റവും നേർത്തതും ഭാരം കുറഞ്ഞതുമായ ഫോർ ജി മൊബൈൽ ആണ് വികോയുടേതെന്നും അവർ വ്യക്തമാക്കി.
×