പ്രവാസി മലയാളികൾക്ക് ഗൃഹാതുരത്വത്തിൻറെ രുചി സമ്മാനിച്ച് നാടൻ ഭക്ഷണമേള. ഷാർജയിലെയും അജ്മാനിലെയും നെസ്റ്റോ ഹൈപ്പർമാർക്കറ്റുകളിലാണ് ഭക്ഷ്യമേള ഒരുക്കിയിരിക്കുന്നത്.
മലയാളികളുടെ രസമുകുളങ്ങൾ മറന്നു തുടങ്ങിയ പഴയരുചികളുടെ ഉൽസവമാണ് ഈ ഭക്ഷ്യമേള. നാട്ടിൻ പുറങ്ങളിലെ പഴയ ചായക്കടകളിൽ നിന്നും തട്ടുകടളിൽ നിന്നുമൊക്കെ ഭക്ഷണം കഴിക്കുന്ന അനുഭവം കൂടി ഈ ഭക്ഷ്യമേള സമ്മാനിക്കുന്നു,
ഖൽബും കരളും, വഞ്ചിക്കാരൻ കല്ലുമ്മക്കായ, പൂർണചന്ദ്രൻ ഞണ്ട് നിറച്ചത് അങ്ങനെ രസകരമായ പേരുകളിലാണ് വിഭവങ്ങളൊരുക്കിയിരിക്കുന്നത്. മലയാളികൾ മാത്രമല്ല വിദേശികളും കേരളത്തിൻറെ തനതു രുചി ആസ്വദിക്കാൻ ഇവിടെയെത്തുന്നു.