ദുബായ് : കോസ്മോ ട്രാവല്‍ യുഎഇയിലെ തങ്ങളുടെ ഏജന്‍റുമാര്‍ക്കും ട്രാവല്‍സുകള്‍ക്കും കോര്‍പ്പറേറ്റുകള്‍ക്കും എളുപ്പം ബിസിനസ് നടത്തുന്നതിനുള്ള പുതിയ വ്യാപാര പോര്‍ട്ടലിന് തുടക്കമിട്ടു. www.travtrolley.com എന്ന ബി ടു ബി പോര്‍ട്ടലിലുടെ ഒറ്റ ലോഗിങ്ങില്‍ ലോകത്ത് എവിടേയ്ക്കും ടുര്‍ പാക്കേജ്, വിമാനടിക്കറ്റ്, ഹോട്ടല്‍, കാര്‍ തുടങ്ങിയ ബുക്ക് ചെയ്യാനാകുമെന്ന് എയര്‍ അറേബ്യ ഗ്രൂപ്പിൽ അംഗമായ കോസ്മോ ട്രാവൽ അധികൃതർ പറഞ്ഞു.
ഇതോടൊപ്പം തായ് വാനിലേക്ക് ടൂര്‍ പാക്കേജുകള്‍ നടത്താന്‍ അവിടത്തെ ടൂറിസം ബോര്‍ഡുമായി ധാരണയുണ്ടാക്കിയതായി സിഇഒ ജമാല്‍ അബ്ദുല്‍ നാസര്‍ പറഞ്ഞു. കോസ്മോ ട്രാവല്‍ നെറ്റ് വര്‍ക്കിലൂടെ തായ് വാ‌നിലേയ്ക്ക് കൂടുതല്‍ സഞ്ചാരികളെ എത്തിക്കുകയാണ് ഇതുവഴി ലക്ഷ്യമിടുന്നത്. ഇപ്പോള്‍ യുഎഇയില്‍ നടപ്പാക്കുന്ന പുതിയ പോര്‍ട്ടല്‍ സംവിധാനം മറ്റു ജിസിസി രാജ്യങ്ങളിലേക്കും വ്യാപിപ്പിക്കും.
ഇന്ത്യയില്‍ കേരളത്തിലുള്‍പ്പെടെ 16 ഇടങ്ങളില്‍ കോസ്മോക്ക് ഓഫീസുകളുണ്ട്. കൂടുതല്‍ നഗരങ്ങളിലേയ്ക്ക് ഇവ വ്യാപിപ്പിച്ചുകൊണ്ടിരിക്കുകയാണ്. നിലവില്‍ കൊച്ചിയില്‍ ഓഫിസുള്ള കോസ്മോ കോഴിക്കോട്, കണ്ണൂര്‍, തിരുവനന്തപുരം നഗരങ്ങളില്‍ കൂടി ഓഫിസ് തുറക്കും. ചൈനയിലേക്കും ഉടന്‍ പ്രവര്‍ത്തനം വ്യാപിപ്പിക്കും.
വാര്‍ത്താസമ്മേളനത്തില്‍ തായ് വാന്‍ ടൂറിസം ബോര്‍ഡ് സെയില്‍സ് വൈസ് പ്രസിഡന്‍റ് വിശാല്‍ മെഹ്റ, കോസ്മോ ട്രാവല്‍ സെയില്‍സ് മേധാവി ദീപാ രാജേഷ്, ഐടി തലവൻ ജി.ബി.വിജയ് തുടങ്ങിയവരും സംബന്ധിച്ചു.
