രുചിഭേദങ്ങളുടെ വിരുന്നൊരുക്കുന്ന ഗള്ഫുഡില് ഊര്ജദായക പാനീയത്തിന് തങ്കത്തിളക്കം. 24 കാരറ്റ് സ്വര്ണം ചേര്ത്ത എനര്ജി ഡ്രിങ്കാണ് ഗള്ഫുഡിലെ താരം.
സ്വര്ണം ചേര്ത്ത ഈ പാനീയം മേഖലയ്ക്ക് പരിചയപ്പെടുത്തുന്നത് ഇറ്റലിയിലെ ലക്ഷ്വറി ഗ്രൂപ്പ്. ഗ്ലൂക്കോണറോലക്തോണ്, ഇനോസിതോള് എന്നീ രാസപദാര്ഥങ്ങള് ഒഴിവാക്കിയതും വെള്ളത്തില് ലയിക്കാവുന്ന രൂപത്തിലുള്ള സ്വര്ണം ചേര്ത്തതുമാണ് സുവര്ണ പാനീയത്തെ സവിശേഷമാക്കിയത്. ഗുണത്തിലും രുചിയിലും മണത്തിലുമുണ്ട് ഈ വ്യത്യാസം.
നേരത്തെ ഇറ്റലിയില് ഇറക്കിയ പാനീയത്തിന് ലഭിച്ച സ്വീകാര്യതയാണ് മധ്യപൂര്വദേശത്തിന് പരിചയപ്പെടുത്താന് പ്രേരണയായത്. ഗള്ഫുഡിലെ ഈ നവാഗതനെ രുചിച്ചുനോക്കാന് സ്വദേശികളും വിദേശികളും മല്സരിക്കുകയാണ്. തങ്കത്തിളക്കമുള്ള ഈ പാനീയത്തിന് വിലയും കൂടും. മൂന്നു യൂറോയാണ് ഇറ്റലിയിലെ മൊത്ത വിപണിയിലെ വില. പ്രാദേശിക വിപണിക്കനുസരിച്ച് വില പിന്നീട് നിശ്ചയിക്കും.