ഷാർജ രാജ്യാന്തര പുസ്തമേളയിലെ വേറിട്ട പരിപാടിയായി പിതാവിന്റെയും മകളുടെയും പുസ്തക പ്രകാശനങ്ങൾ. ഔർ ഓൺ ഇംഗ്ലീഷ് സ്കൂളിലെ പന്ത്രണ്ടാം ക്ലാസ്സ് വിദ്യാർഥിനി ലാമിയ അഞ്ജുമിന്റെ അൺ സ്പോക്കൺ എന്ന ഇംഗ്ലീഷ് കവിതാ സമാഹാരവും പിതാവും എഴുത്തുകാരനുമായ ഷാജി ഹനീഫിന്റെ അദൃശ്യ വർണങ്ങൾ എന്ന കവിതാ സമാഹാരവുമാണ് ഒരേ വേദിയിൽ പ്രകാശിപ്പിച്ചത്.
ലാമിയയുടെ പുസ്തകം സി രാധാകൃഷ്ണൻ, ജോർജ് ഓണക്കൂറിന് നൽകി പ്രകാശിപ്പിച്ചു. ഷാജി ഹനീഫിന്റെ പുസ്തകം എം.എ. ബേബി , ജോർജ് ഓണക്കൂറിന് നൽകിയും പ്രകാശനം ചെയ്തു. സലീം അയ്യനത്തിന്റെ എച്ച് ടു ഒ എന്ന കഥാസമാഹാരത്തിന്റെ രാജ്യാന്തര തലത്തിലെ റിലീസും സി രാധാ കൃഷ്ണൻ ഷാനിബ് കമാലിന് നൽകി നിർവ്വഹിച്ചു.
കെ.എം.അബ്ബാസ്, എം.സി.എ.നാസർ, സാദിഖ് കാവിൽ, വെള്ളിയോടൻ, സലീം അയ്യനത്ത്, കെ.മോഹൻ കുമാർ, ഉണ്ണി കുലുക്കല്ലൂർ എന്നിവർ പ്രസംഗിച്ചു. ഷാജി ഹനീഫ്, ലാമിയ അഞ്ജുംഎന്നിവർ മറുപടി പ്രസംഗം നടത്തി.