മസ്കത്ത്: റുസ്താഖിൽ വാഹനാപകടത്തിൽ പാലക്കാട് സ്വദേശി മരിച്ചു. വടക്കഞ്ചേരി ആലത്തൂർ സ്വദേശി ജമാൽ മൊയ്തു(34) ആണ് മരിച്ചത്. ഇബ്രി റോഡിൽ റുസ്താഖ് സനയ്യക്കടുത്ത് തിങ്കളാഴ്ച വൈകുന്നേരം ആറുമണിയോടെയായിരുന്നു അപകടം.
ഇൻറീരിയർ ഡിസൈനിങ് ജോലിക്കാരായ ജമാലും രണ്ട് സഹപ്രവർത്തകരും ജോലി കഴിഞ്ഞ് റുസ്താഖിലേക്ക് തിരിച്ചുവരവേയാണ് അപകടം ഉണ്ടായത്. ഇവർ സഞ്ചരിച്ചിരുന്ന പജീറോ റുസ്താഖിൽ നിന്ന് രണ്ട് കിലോമീറ്റർ അകലെ വെച്ച് ടാക്സി കാറുമായി കൂട്ടിയിടിക്കുകയായിരുന്നു. സ്പോൺസറായിരുന്നു വാഹനം ഒാടിച്ചിരുന്നത്. ജമാൽ തൽക്ഷണം മരണപ്പെട്ടു. അഞ്ച്, ആറ് വർഷം മുമ്പ് ഒമാനിൽ ഉണ്ടായിരുന്ന ജമാൽ നാട്ടിലേക്ക് പോയ ശേഷം ഏതാനും മാസം മുമ്പാണ് തിരികെ വന്നത്. ഭാര്യയും രണ്ട് കുട്ടികളുമുണ്ട്. മൃതദേഹം റുസ്താഖ് ആശുപത്രിയിൽ.
×