മക്കയിലെ ഹജ് സ്ട്രീറ്റിലെ മരപ്പണിശാലയിലുണ്ടായ തീപിടുത്തത്തിൽ കിടന്നുറങ്ങുകയായിരുന്ന മൂന്നു തൊഴിലാളികൾ മരിച്ചു.
ഇന്ന് (വെള്ളി ) രാവിലെ ഏഴു മണിക്കാണ് തീപിടുത്തമുണ്ടായത്. മര ഉരുപ്പടികളും വാതിലുകളും യന്ത്രങ്ങളും ഫർണിച്ചറുകളും കത്തി നശിച്ചു.മരപ്പണി ശാലയോട് ചേർന്ന് രണ്ടാം നിലയിൽ ഇരുമ്പുകൊണ്ട് നിർമിച്ച മുറിക്കകത്ത് ഉറങ്ങുകയായിരുന്ന തൊഴിലാളികളാണ് മരിച്ചതെന്ന്മക്ക സിവിൽ ഡിഫൻസ് മേധാവി മേജർ നായിഫ് അൽ ശരീഫ് പറഞ്ഞു.മരിച്ചവർ ഏതു രാജ്യക്കാരാണെന്ന് തിരിച്ചറിഞ്ഞിട്ടില്ല.തീപ്പിടുത്തത്തിന്റെ കാരണങ്ങളും മരിച്ചവരെപ്പറ്റിയും പ്രത്യേക സംഘം അന്വേഷണം നടത്തുന്നുണ്ട്.
×