ദുബായ്: ദുബായ് മർകസ് പ്രവാസി ഇന്ത്യക്കാരുടെ സാമൂഹിക ക്ഷേമ പ്രവർത്തനങ്ങൾക്കായി വിപുലമായ പദ്ധതികൾ ആസൂത്രണം ചെയ്ത് നടപ്പിലാക്കാൻ തീരുമാനിച്ചു. മരണം, മരണാനന്തര സഹായങ്ങൾ, മെഡിക്കൽ-ചികിത്സാ രംഗത്തെ ആവശ്യമായ ഇടപെടലുകൾ, നിയമ സഹായങ്ങൾ തുടങ്ങിയ വിഷയങ്ങളിലൊക്കെ പ്രവാസികൾക്ക് ഏറ്റവും വലിയ കൈ താങ്ങായി രംഗത്തുണ്ടാകും. കൂടാതെ, ദുബായ് റാഷിദ് ആശുപത്രിയുമായി ബന്ധപ്പെട്ട് ബ്ലഡ് ഡൊണേഷൻ സെൽ പ്രവർത്തിക്കുന്നു. ഐ സി എഫ് സാന്ത്വന പ്രവർത്തന രംഗത്ത് പ്രവർത്തിക്കുന്ന നസീർ വാടാനപ്പള്ളിയെ ചീഫ് കോ-ഓർഡിനേറ്ററാക്കി 24 മണിക്കൂറും പ്രവർത്തിക്കുന്ന സേവന സന്നദ്ധ വിഭാഗം മർകസിന്റെ കീഴിൽ പ്രവർത്തനം തുടരുന്നു. സഹായാങ്ങൾക്ക് 24 മണിക്കൂറും ബന്ധപ്പെടാവുന്നതാണ്. ഫോൺ: 055-8899156.
മർകസിന്റെ ഈ പ്രവർത്തനങ്ങൾക്ക് ലഭിച്ച ഏറ്റവും വലിയ അംഗീകാരമാണ് ദുബായ് റെഡ് ക്രസന്റിന്റെ സോമാലിയ സഹായ പദ്ധതിയിൽ ഐ സി എഫ് സാന്ത്വനത്തെ പങ്കാളിയാക്കിയതെന്ന് ദുബായ് മർകസ് പ്രസിഡൻ്റ് മുസ്തഫ ദാരിമി വിളയൂർ പറഞ്ഞു. വാർത്താ സമ്മേളനത്തിൽ വൈസ് പ്രസിഡന്റ് ഹുസൈൻ തങ്ങൾ വാടാനപ്പള്ളി, ക്ഷേമകാര്യ പ്രസിഡന്റ് ഉസ്മാൻ കക്കാട്, ക്ഷേമകാര്യ സെക്രട്ടറി ഷംസുദ്ദീൻ പയ്യോളി, സാന്ത്വനം ചീഫ് കോ ഒാർഡിനേറ്റർ നസീർ വാടാനപ്പള്ളി, ഐ സി എഫ് ദുബായ് സെൻട്രൽ കമ്മിറ്റി ഫിനാൻസ് സെക്രട്ടറി കരീം തളങ്കര എന്നിവരും പങ്കെടുത്തു.
Advertisement