ദുബായ്: അൽ ഫലാഹ് ഹൈപ്പർമാർക്കറ്റ് ഉദ്ഘാടനം ചെയ്തു. ബർ ദുബായ് മൻകൂലിൽ 5000 അടി ചതുരശ്ര അടി വിസ്തീർണത്തിൽ ആധുനിക രീതിയിലുള്ള ഹൈപ്പർമാർക്കറ്റിന്റെ ഉദ്ഘാടനം ബോളിവുഡ് താരം സുനിൽ ഷെട്ടി നിർവ്വഹിച്ചു. ബോളിവുഡിലേയും മലയാളത്തിലെയും സിനിമാ താരങ്ങൾ സംബന്ധിച്ചു.
ഉദ്ഘാടനത്തോടനുബന്ധിച്ച് പൊതുജനങ്ങൾക്കായി സംഗീത വിരുന്നും ഒരുക്കിയിരുന്നു. ഹോട്ടൽ വ്യവസായ രംഗത്ത് ശക്തമായി മുന്നോട്ട് പോകുന്ന അൽ ഫലാഹ് ഗ്രൂപ്പിന്റെ ഹൈപ്പർമാർക്കറ്റ് രംഗത്തേക്കുള്ള ആദ്യ ചുവട്വയ്പാണിത്.
വ്യവസായ പ്രമുഖൻ ബി.ആർ ഷെട്ടി,കർണാടക മന്ത്രി യു.ടി. ഖാദർ, ചെർക്കളം അബ്ദുല്ല, പത്മജ വേണുഗോപാൽ, സുധീർ കുമാർ ഷെട്ടി,യഹ്യ തളങ്കര, ഡോ:ആരതി കൃഷ്ണ, ഷംസുദ്ദീൻ നെല്ലറ,,എ.കെ ഫൈസൽ, സിനിമാ താരങ്ങളായ ദേവൻ, ഹരിശ്രീ അശോകൻ, രാജീവ് പിള്ള,അബു സലീം, സനൂഷ, സനൂപ് തുടങ്ങിയവരും ഇന്ത്യൻ ഫുട്ബോൾ രംഗത്ത് നിന്നു മുഹമ്മദ് റാഫി,ഐ.എം വിജയൻ, ജോപോൾ അഞ്ചേരി, പ്രദീപ് തുടങ്ങിയവരും പങ്കെടുത്തു.
ആദ്യ വിൽപ്പന അൽ ഫലാഹ് ഗ്രൂപ്പ് ചെയർമാൻ യൂസഫ് അൽ ഫലയിൽ നിന്നും ഡോ:ബി.ആർ ഷെട്ടി ഏറ്റുവാങ്ങി.അൽഫലാഹ് ഗ്രൂപ്പ് ഡയറക്ടർമാരായ അബ്ദുല്ല സുബ്ബയ്യകട്ട,ഹനീഫ് ഗോൾഡ് കിങ്,അഡ്വ: ജഹാംഗീർ, സി.ഇ.ഒ ഫയാസ് കാപ്പിൽ തുടങ്ങിയവരും പങ്കെടുത്തു. കെ.എം അബ്ബാസ്, അഷ്റഫ് കർള എന്നിവർ പ്രസംഗിച്ചു.
Advertisement