ചൂടുപിടിച്ച വിവാഹകഥകൾക്ക് വിരാമമിട്ട് ബോളിവുഡ് നടി അനുഷ്കശർമ്മ. ഈ ഡിസംബറിൽ ഇന്ത്യൻ ക്രിക്കറ്റ് നായകൻ വിരാട് കോഹ്‍ലിയുമായി വിവാഹംനടക്കുമെന്നുള്ള പ്രചരണങ്ങൾക്കിടെയാണ് അനുഷ്കയടെ വിശദീകരണം. തങ്ങളുടെ കല്യാണം ഉടൻനടക്കുമെന്നത് സംബന്ധിച്ച് പ്രചരിക്കുന്നവാർത്തകൾ പൂർണമായും തെറ്റാണെന്ന് പറഞ്ഞ അനുഷ്ക, അവയെല്ലാം കെട്ടുകഥകളാണെന്നും പറയുന്നു. ഒരുദേശിയ മാധ്യമത്തിന് അനുവദിച്ച അഭിമുഖത്തിലാണ് അനുഷ്ക നിലപാടറിയിച്ചത്.
രണ്ടുവർഷമായി പ്രണയത്തിലുളള ഇരുവരുംതമ്മിലുള്ള ബന്ധം തകർന്നതായി റിപ്പോർട്ടുണ്ടായിരുന്നുവെങ്കിലും, കൊഹ്‍ലിയും അനുഷ്കയും ഒന്നിച്ച് പ്രത്യക്ഷപ്പെട്ട ഒരു പരസ്യമാണ് വിവാഹംസംബന്ധിച്ച ചർച്ചകളെ ഇപ്പോള്‍ ചൂടുപിടിപ്പിച്ചത്.
കുറച്ചുകാലത്തേക്ക് വിശ്രമം ആവശ്യമാണെന്ന് വിരാട് കോഹ്‍ലി ബിസിസിഐയോട് ആവശ്യപ്പെട്ടതോടെ, കല്യാണം ഡിസംബറില്‍തന്നെയെന്ന് പ്രചരിച്ചു.
കല്യാണത്തിനായി തയ്യാറെടുക്കുന്നതിനാൽ പുതിയചിത്രങ്ങൾക്കൊന്നും അനുഷ്ക ഡേറ്റ് നൽകുന്നില്ലായെന്നുപോലും വാർത്തകളെത്തി.
പക്ഷേ, അനുഷ്കയുടെ വിശദീകരണമെത്തിയിട്ടും 'കെട്ട്' കഥകൾ അവസാനിക്കുന്നില്ല. സമൂഹമാധ്യമങ്ങളിലുംമറ്റും, ഇരുവരുടേയും വിവാഹം ഡിസംബറിൽ ഇറ്റലിയിൽവച്ച് നടക്കുമെന്നാണ് ഇപ്പോഴത്തെ പ്രചാരണം.
