വിമര്‍ശനങ്ങളെ ചവറ്റുകൊട്ടയിലിട്ട്, സ്വന്തം കവിതയ്ക്ക് പുതിയ ക്യാന്‍വാസ് തേടി മന്ത്രി ജി.സുധാകരന്‍. കുട്ടനാടിനെക്കുറിച്ചെഴുതിയ മന്ത്രിയുടെ കവിത ആല്‍ബമാകുമ്പോള്‍ കവി തന്നെയാണ് അഭിനയിക്കുന്നതും.
ഒരു ഫ്രെയിമിലും ഒതുങ്ങാത്ത കാര്‍ക്കശ്യക്കാരനായ രാഷ്ട്രീയക്കാരന്‍ ആ കുപ്പായം അഴിച്ചുവച്ചപ്പോള്‍ ഒാരോ ഷോട്ടും ഡബിള്‍ ഒ.കെ. സംവിധായകന്റെ നിര്‍ദേശങ്ങള്‍ക്കൊത്ത് അഭിനയിച്ചു. ഭാവങ്ങള്‍ മിന്നിമാഞ്ഞു
പൂച്ച എന്ന കവിതയെ വിമര്‍ശകര്‍ വലിച്ചുകീറിയെങ്കില്‍ ഈ കവിത അവരുടെ വായടപ്പിക്കുമെന്നാണ് ആസ്വാദകപക്ഷം. പക്ഷേ പാടിയത് കവിയല്ല, കവിയുടെ ഗണ്‍മാന്‍ രാജേഷ് കൊച്ചുവീട്ടിലാണ്. കൈനകരിയിലായിരുന്നു ആല്‍ബത്തിന്റെ ഷൂട്ടിങ്.
×