ചെന്നൈ നഗരത്തെ നടുക്കിയ ഐടി ജീവനക്കാരി സ്വാതിയുടെ കൊലപാതകം സിനിമയാകുന്നു. സംവിധായകന് രമേശ് സെല്വന് ആണ് സ്വാതി കൊല വഴക്ക് എന്നു പേരിട്ടിരിയ്ക്കുന്ന ചിത്രം അണിയിച്ചൊരുക്കിയത്. മലയാളി നടന് അജ്മലാണ് കേന്ദ്രകഥാപാത്രം.
2016 ജൂണ് 24. ചെന്നൈ നഗരത്തിന് മറക്കാനാകില്ല ഈ ദിനം. അന്നേ ദിവസമാണ് നുങ്കംപാക്കം റെയില്വേ സ്റ്റേഷനില് ട്രെയിന് കാത്തു നിന്ന ഇന്ഫോസിസ് ജീവനക്കാരി സ്വാതിയെ തൂത്തുക്കുടി സ്വദേശി രാംകുമാര് വെട്ടിക്കൊലപ്പെടുത്തിയത്. പ്രണയഭ്യര്ഥന നിരസിച്ചതിനായിരുന്നു ക്രൂരത. ദിവസങ്ങള്ക്കുള്ളില് രാംകുമാര് വീട്ടില് നിന്ന് പിടിയിലായതും ജയിലില് നിന്ന് ആത്മഹത്യ ചെയ്തതുമെല്ലാം ഞെട്ടലോടെയാണ് നഗരവാസികള് കേട്ടത്. ഈ കൊലപാതകമാണ് സ്വാതി കൊല വഴക്ക് എന്ന പേരില് സിനിമയാകുന്നത്. കേസന്വേഷണം നടത്തുന്ന പൊലിസ് ഓഫീസറായാണ് നടന് അജ്മല് എത്തുക. സംവിധായകന് രമേഷ് സെല്വന് ആണ് ഈ ക്രൈം ത്രില്ലര് ഒരുക്കിയിരിയ്ക്കുന്നത്.
പുതുമുഖങ്ങളായ ആര്യയും മനോയുമാണ് സ്വാതിയും രാംകുമാറുമാവുക. ചിത്രം ഓഗസ്റ്റ് അവസാനം തീയറ്ററുകളിലെത്തിയ്ക്കാനാണ് അണിയറ പ്രവര്ത്തകരുടെ ശ്രമം.