നടൻ ഇന്ദ്രജിത്തിന്റെ മകൾ നക്ഷത്ര സിനിമയിൽ അരങ്ങേറ്റം കുറിയ്ക്കുന്നു. സിനിമയിലും ഇന്ദ്രജിത്തിന്റെ മകളായി തന്നെയാണ് വരുന്നത്. ഇന്ദ്രജിത്തും പൃഥ്വിരാജും മുരളി ഗോപിയും പ്രധാന വേഷങ്ങളിലെത്തുന്ന ടിയാനിലാണ് നക്ഷത്രയുടെ അരങ്ങേറ്റം. ഇന്ദ്രജിത്ത് അവതരിപ്പിക്കുന്ന പട്ടാഭിരാമന്റെ മകളായിട്ടാണ് നക്ഷത്രയെത്തുന്നത്. ഇന്ദ്രജിത്ത് തന്നെയാണ് ഇക്കാര്യം ഫേസ്ബുക്കിലൂടെ അറിയിച്ചത്.
എന്റെ ഇളയമകള് നക്ഷത്ര ടിയാന്ലൂടെ അഭിനയരംഗത്തേക്ക് ആദ്യ ചുവടുവെക്കുകയാണ്. ഞാന് അവതരിപ്പിക്കുന്ന പട്ടാഭിരാമന്റെ മകള് ആര്യയുടെ വേഷം ആണ് നക്ഷത്ര അവതരിപ്പിക്കുന്നത്. അച്ഛനും മകളും ഒരുമിച്ചുള്ള നല്ല കുറച്ചു മുഹൂര്ത്തങ്ങള് ടിയാനില് ഉണ്ട്. ഒരു നടന് എന്ന നിലയ്ക്ക്, ഈ പുതിയ അനുഭവം എനിക്കും മകള്ക്കും സമ്മാനിച്ച ടിയാന്റെ എല്ലാ അണിയറപ്രവര്ത്തകര്ക്കും എന്റെ നന്ദി. ഒപ്പം, എന്റെ അച്ഛനെയും ഈ അവസരത്തില് ഓര്ക്കുന്നു! ശേഷം സ്ക്രീനില് എന്നാണ് ഇന്ദ്രജിത്തിന്റെ ഫേസ്ബുക്ക് പോസ്റ്റ്.
നവാഗതനായ ജിഎന് കൃഷ്ണകുമാറാണ് ചിത്രത്തിന്റെ സംവിധാനം. പത്മപ്രിയ, ഷൈന് ടോം, അനന്യ, സുരാജ് വെഞ്ഞാറമ്മൂട് തുടങ്ങിയവരും ചിത്രത്തിൽ വേഷമിടുന്നു. കഴിഞ്ഞ ദിവസം റിലീസായ ചിത്രത്തിന്റെ ട്രെയിലര് ഏറെ ശ്രദ്ധ നേടിയിരുന്നു.