രാജമൗലി സംവിധാനം ചെയ്യുന്ന ബ്രഹ്മാണ്ഡചിത്രം ബാഹുബലി 2 ഓൺലൈനിൽ ചോർന്നെന്ന് സൂചന. സിനിമയുടെ റീലിസിന് ദിവസങ്ങൾക്ക് മുൻപാണ് ചിത്രത്തിലെ ചില ദൃശ്യങ്ങളുടെ ഫോട്ടോ ഇന്റർനെറ്റിലൂടെ പ്രചരിക്കുന്നത്. തിയറ്റർ പകർപ്പിന്റേതെന്ന് കരുതപ്പെടുന്ന സ്ക്രീൻഷോട്ട് ദൃശ്യങ്ങളാണ് സമൂഹമാധ്യമങ്ങളിലൂടെ ബാഹുബലിയുടെ വ്യാജൻ എന്ന പേരിൽ പ്രചരിക്കുന്നത്.
എന്നാൽ ഇതുവരെയും വിഡിയോ ദൃശ്യങ്ങൾ പുറത്തുവന്നിട്ടില്ല. സിനിമയുടെ പ്രത്യേക പ്രദർശനം സംഘടിപ്പിച്ചപ്പോൾ ചോർന്നതാണെന്നാണ് സൂചന. നേരത്തെ സിനിമയുടെ ക്ലൈമാക്സ് ദൃശ്യങ്ങളിൽ ചിലത് പുറത്തുവന്നിരുന്നു.