അന്തരിച്ച സംവിധായകൻ ദീപന്റെ സത്യം എന്ന ചിത്രത്തിൽ റോമ പാടിയാടിയ ഒരു ഐറ്റം ഗാനമാണ് രാവിലെ മുതൽക്കേ ട്രോളുകളിൽ നിറഞ്ഞു നിൽക്കുന്നത്. എന്നാൽ പാട്ടിനെ വിമർശിച്ചുകൊണ്ടുളള ട്രോൾ മഴയെ വളരെ പോസിറ്റ് ആയ രീതിയിലാണു കാണുന്നതെന്ന നിലപാടിലാണ് സംവിധായകന് ഗോപി സുന്ദര്. ക്ലാസികൽ പാട്ടു വച്ച് ഐറ്റം ഡാൻസ് ചെയ്യുക എന്ന ആശയം ചിത്രത്തിന്റെ സംവിധായകൻ ദീപന്റേത് ആയിരുന്നുവെന്നുമാണ് ഗോപി സുന്ദർ മനോരമ ഓൺലൈനോടു പറഞ്ഞിരിക്കുന്നത്.
ഒരു സംഗീത പരിപാടിയ്ക്കായി കുവൈറ്റിലാണുള്ളത്. ട്രോളുകളൊന്നും എന്നെ വിഷമിപ്പിക്കുന്നില്ല. ട്രോളുകളെല്ലാം പാട്ടിന് കൂടുതൽ പ്രചരണം നൽകുന്നതു കാണുമ്പോൾ ഒരുപാട് സന്തോഷമുണ്ട്. എന്ത് നെഗറ്റീവ് കാര്യത്തിലും ഒരു പോസിറ്റിവ് വശം കണ്ടെത്തുന്നയാളാണ് ഞാൻ. ഇവിടെയും അങ്ങനെ തന്നെ. ക്ലാസികൽ ഗാനത്തിൽ ഒരു ഐറ്റം ഗാനം വേണം എന്നുള്ളത് ഞാൻ ഏറെ ബഹുമാനിക്കുന്ന ദീപൻ ചേട്ടന്റെ ആശയമായിരുന്നു ഇങ്ങനെയൊരു പാട്ട് വേണം എന്നുള്ളത്. അതു ചെയ്തു അത്രമാത്രം. അദ്ദേഹം വ്യക്തമാക്കി.