വെള്ളിത്തിരയിൽ കാവ്യമഴുതി ചരിത്രം കുറിച്ച സിനിമയാണ് ബാഹുബലി. സിനിമയുടെ അവസാന ഭാഗത്തിനായി ഒരുപാട് ആകാംഷയോടെ കാത്തിരിക്കുകയാണ് എല്ലാവരും. സിനിമയുടെ ഓഡിയോ ലോഞ്ചിന് ഇനി രണ്ടു ദിവസമേ ബാക്കിയുള്ളൂ. പൂരത്തിന് മുൻപുള്ളൊരു വെടിക്കെട്ട് എന്നതിനു സമാനമാണല്ലോ ഓഡിയോ ലോഞ്ച്. ബാഹുബലി ടീം വൻ ഒരുക്കങ്ങളാണ് ഓഡിയോ ലോഞ്ചിനായി നടത്തുന്നത്. എന്നാൽ സിനിമയുടെ ആദ്യ പതിപ്പിന്റെ ഓഡിയോ ലോഞ്ചു പോലെയായിരിക്കും ഇത്തവണയും എന്നാണു സൂചന. എംഎം കീരവാണിയാണു രണ്ടാം പതിപ്പിനും സംഗീതമൊരുക്കിയത്. ഈ മാസം 26നാണ് ഓഡിയോ ലോഞ്ച്. ഹൈദരാബാദിലെ റാമോജി ഫിലിം സ്റ്റുഡിയോയിലെ തുറന്ന ഓഡിറ്റോറിയത്തിലാണ് പരിപാടി നടക്കുക.,
×