തമിഴകത്തിന്റ ലേഡി സൂപ്പർസ്റ്റാർ നയൻതാര നായികയാകുന്ന പുതിയ ചിത്രത്തിന് എ സർട്ടിഫിക്കറ്റ്. താരം പ്രധാനവേഷത്തിലെത്തുന്ന ഹൊറർ ത്രില്ലർ ‘ഡോറ’യ്ക്കാണ് സെൻസർ ബോർഡ് എ സർട്ടിഫിക്കറ്റ് നൽകിയത്.
ദോസ് രാമസാമി സംവിധാനം ചെയ്യുന്ന ചിത്രം പൂർണമായും ഒരു ഹൊറർ ത്രില്ലറാണ്. സിനിമയിലെ ഹൊറർ രംഗങ്ങളുടെ ഭീകരത മൂലമാണ് എ സർട്ടിഫിക്കറ്റ് നൽകാൻ കാരണമായത്. എ സർട്ടിഫിക്കറ്റ് ലഭിച്ചതിൽ ചിത്രത്തിന്റെ അണിയറപ്രവർത്തകർ അത്ഭുതപ്പെട്ടിരിക്കുകയാണ്.
സെൻസർ ബോർഡിന്റെ തീരുമാനം പുനഃപരിശോധിക്കണമെന്ന് ആവശ്യപ്പെട്ട് റിവൈസിങ് കമ്മിറ്റിയെ ബന്ധപ്പെടാനും അണിയറപ്രവർത്തകർ തീരുമാനിക്കുന്നുണ്ട്. മാർച്ച് 24നാണ് ചിത്രം തിയറ്ററുകളിലെത്തുന്നത്.