മോഹൻലാലിനെ നായകനാക്കി മേജർ രവി സംവിധാനം ചെയ്യുന്ന പുതിയ ചിത്രം 1971, ബിയോണ്ട് ബോര്ഡേർസ് ടീസർ പുറത്തിറങ്ങി. മീശ പിരിച്ച് കിടിലൻ ഗെറ്റപ്പിലാണ് മോഹൻലാൽ എത്തുന്നത്.
ഇന്ത്യ-പാക് യുദ്ധ സമയത്ത് രാജസ്ഥാൻ മേഖലയിൽ നടന്ന സംഭവമാണ് ചിത്രത്തിന് ആസ്പദമാകുന്നത്. രണ്ട് ഉയർന്ന പട്ടാള ഉദ്യോഗസ്ഥരുടെ ജീവിതവും അവരുടെ ബന്ധവുമൊക്കെ പറയുന്ന സിനിമ. മേജർ രവിയുടെ തന്നെയാണ് തിരക്കഥ. റെഡ് റോസ്ക്രിയേഷൻസിന്റെ ബാനറിൽ ഹനീഫ് മുഹമ്മദാണ് ചിത്രം നിർമിക്കുന്നത്.
കീര്ത്തിചക്ര, കുരുക്ഷേത്ര, കാണ്ഡഹാര്, കര്മ്മയോദ്ധ സിനിമകള്ക്ക് ശേഷമാണ് മേജര് രവിയും മോഹന്ലാലും വീണ്ടും ഒരുമിക്കുന്നത്. ചിത്രത്തില് മോഹന്ലാല് എത്തുന്നത് മൂന്ന് ഗെറ്റപ്പിലാണ്. മേജര് മഹാദേവന്റെ അച്ഛന് മേജര് സഹദേവന് ആയും മറ്റൊരു ഗെറ്റപ്പിലും മോഹന്ലാല് എത്തുന്നുണ്ട്.