അക്ഷരത്തെറ്റില്ലാതെ ഇംഗ്ലീഷും മലയാളവും എഴുതാനൊരു മൊബൈൽ ആപ്ലിക്കേഷൻ. ഭാഷാപഠനത്തിൽ വൈഷമ്യം നേരിടുന്ന കുട്ടികൾക്കായി കോഴിക്കോട്ടെ അസമ ചാരിറ്റബിൾ ട്രസ്റ്റാണ് ഇലകൾ പച്ച എന്ന പേരിൽ പുതിയ ആപ്പ് രൂപപ്പെടുത്തിയത്.
കുട്ടികൾ ഇപ്പോൾ അക്ഷരത്തെറ്റില്ലാതെ വാക്കുകൾ എഴുതാൻ പഠിക്കുന്ന തിരക്കിലാണ്. പഠനം രസകരമാക്കാനുള്ള ഈ ആപ്പിനു പിന്നിൽ എൻ.ഐ.ടി കാലിക്കറ്റിൽ നിന്ന് പുറത്തിറങ്ങിയ ഒരു കൂട്ടം എൻജിനീയർമാരാണ്.
എൽകെ.ജി മുതൽ അഞ്ചാംക്ലാസ് വരെയുള്ള കുട്ടികളെ ലക്ഷ്യംവച്ചാണ് മൊബൈൽ ആപ്ലിക്കേഷൻ. സ്പെല്ലിങ് മന:പാഠമാക്കുന്ന രീതിക്കുപകരമായി ഭാഷയുടെ യുക്തിയും, ശബ്ദവുമനുസരിച്ചുള്ള നിയമങ്ങളും പഠിപ്പിക്കുകയാണ് ഇലകൾ പച്ച. ഗൂഗിൽ പ്ലേസ്റ്റോറിൽ നിന്ന് സൗജന്യമായി ആപ്പ് ഡൗൺലോഡ് ചെയ്യാം.
×