നേരത്തേ 15% സേവന നികുതി ഈടാക്കിയിരുന്ന ബാങ്കിങ് സേവനങ്ങൾക്ക് ജിഎസ്ടി വന്നതോടെ നികുതി 18% ആയി. ഭവന, വാഹന, വ്യക്തിഗത വായ്പകളുടെ മാസത്തവണകളെയൊന്നും ഇതു ബാധിക്കില്ല. അവയ്ക്ക് സേവന നികുതി ഇല്ലായിരുന്നു. ലോൺ പ്രോസസിങ് ഫീസ്, കാലാവധിക്കു മുൻപേ വായ്പ അടച്ചു തീർക്കുന്നതിന്റെ ഫീസ് (പ്രീ പെയ്മെന്റ് ചാർജ്) തുടങ്ങിയവയ്ക്ക് 18% നികുതി ബാധകമാകും.
അക്കൗണ്ടിൽ മിനിമം ബാലൻസ് തുക ഇല്ലാത്തതിനുള്ള ഫീസ്, സൗജന്യ പരിധി കഴിഞ്ഞുള്ള നിക്ഷേപവും പിൻവലിക്കലും, എടിഎം ഇടപാടുകൾ, എസ്എംഎസ് അലർട്ട്, ചെക്ക് ബുക്കുകൾ തുടങ്ങിയവയ്ക്കു 15% സേവന നികുതിക്കു പകരം ഇപ്പോൾ 18% ജിഎസ്ടി ബാധകമാണ്.