അമേരിക്കൻ വാഹന നിർമാതാക്കളായ ഷെവർലെ ഇന്ത്യയിൽ വാഹനം വിൽക്കുന്നതിൽ നിന്ന് പിൻമാറാൻ ഒരുങ്ങുകയാണ്. അടുത്ത ഡിസംബറോടുകൂടി വിപണിയിൽ നിന്ന് പിൻവലിയും എന്നാണ് കമ്പനി അറിയിച്ചിരിക്കുന്നത്. വിൽപ്പന നിർത്തിയെങ്കിലും സർവീസും കസ്റ്റമർ സപ്പോർട്ടും നിർലോഭം തുടരും എന്നും കമ്പനിയുടെ അറിയിപ്പ്.
എന്നാൽ ഇപ്പോൾ ഷെവർലെയുടെ ഷോറൂമിലേക്ക് വരുന്നവർ വൻ ഓഫറുകളാണ് ആവശ്യപ്പെടുന്നത്. പകുതി വിലയ്ക്ക് കാറും ഒന്നെടുത്താൽ മറ്റൊന്ന് സൗജന്യമായി നൽകണമെന്നും വരെ ഉപഭോക്താക്കൾ ആവശ്യപ്പെടുന്നുണ്ട് എന്നാണ് ഷോറൂമുകളിൽ നിന്ന് ലഭിക്കുന്ന വിവരങ്ങൾ. ഷെവർലെ ഇന്ത്യ വിടുന്നു എന്ന വാർത്തകൾക്ക് വളരെയധികം പ്രാധാന്യം ലഭിച്ചതിനാൽ ആരും വാഹനങ്ങൾ വാങ്ങാൻ വരുന്നില്ലെന്നും വരുന്നവർ വൻ ഡിസ്കൗണ്ടുകളാണ് ആവശ്യപ്പെടുന്നതുമെന്നാണ് ഷോറൂം ജീവനക്കാർ പറയുന്നത്.
×