ഏഷ്യാകപ്പ് ഹോക്കി കിരീടം ഇന്ത്യയ്ക്ക്. ഫൈനലില്‍ മലേഷ്യയെ ഒന്നിനെതിരെ രണ്ട് ഗോളുകള്‍ക്ക് തോല്‍പ്പിച്ചാണ് ഇന്ത്യ ചാംപ്യന്‍മാരായത്. മൂന്നാം മിനിട്ടില്‍ രമണ്‍ദീപ് സിങ്ങിന്റെ ഗോളില്‍ മുന്നിലെത്തിയ ഇന്ത്യ, 29-ാം മിനിട്ടില്‍ ലളിത് ഉപാധ്യായിലൂടെ ലീഡ് രണ്ടാക്കി. 50-ാം മിനിട്ടില്‍ ഒരു ഗോള്‍ തിരിച്ചടിച്ച മലേഷ്യ സമനിലയ്ക്ക് വേണ്ടി പൊരുതിയെങ്കിലും ഇന്ത്യന്‍ പ്രതിരോധം ഉറച്ചുനിന്നു. പത്ത് വര്‍ഷത്തെ ഇടവേളയ്ക്ക് ശേഷമാണ് ഇന്ത്യ ഏഷ്യന്‍ ചാംപ്യന്‍മാരാകുന്നത്. 2003ലും 2007ലും വിജയിച്ച ഇന്ത്യ ഇത് മൂന്നാം തവണയാണ് ഏഷ്യാകപ്പുയര്‍ത്തുന്നത്.
×