ഭൂപരിഷ്കരണനിയമം അനുസരിച്ച് 15 ഏക്കറില്‍ കൂടുതല്‍ കൈവശം വയ്ക്കുന്നവര്‍ ഭൂമി മറിച്ച് വില്‍‍ക്കുന്നതില്‍ നിയന്ത്രണം വരുന്നു. നിയമഭേദഗതിക്കുള്ള ശുപാര്‍ശ റവന്യൂ വകുപ്പിന് ലഭിച്ചു. ഭൂപരിഷ്കരണനിയമത്തില്‍ ഇളവ് അനുവദിച്ചുകൊണ്ടാണ് തോട്ടങ്ങള്‍, വിദ്യാഭ്യാസ സ്ഥാപനങ്ങള്‍ , സാമൂഹിക സേവന രംഗത്തുള്ള ട്രസ്റ്റുകള്‍, എന്നിവയ്ക്കായ് 15 ഏക്കറില്‍ കൂടുതല്‍ ഭൂമി കൈവശംവെയ്ക്കാന്‍ അനുവാദം നല്‍കുന്നത്. എന്നാല്‍ നിയമത്തിലെ പഴുതുകള്‍ ഉപയോഗിച്ച് ഇത് മറിച്ച് വില്‍ക്കുന്നത് വ്യാപകമായതോടെയാണ് തീരുമാനം.
×