രാജ്യത്ത് ഓക്സിജന് കിട്ടാതെ കുഞ്ഞുങ്ങള് മരിച്ചു കിടക്കുമ്പോള് എല്ലാവരും വന്ദേമാതരം ആലപിക്കണമെന്നു പറയുന്നതു ലോകത്തിനു മുന്പില് ഇന്ത്യയെ നാണം കെടുത്തുമെന്നു ജവാഹര് ലാല് നെഹ്റു സര്വകലാശാല വിദ്യാര്ഥി യൂണിയന് മുന് പ്രസിഡന്റ് കനയ്യ കുമാര് അഭിപ്രായപ്പെട്ടു.
വന്ദേമാതരം ആലപിക്കാത്തതല്ല ഇന്ത്യയിലെ പ്രശ്നം. കുഞ്ഞുങ്ങള് ശ്വാസം മുട്ടി മരിക്കുമ്പോള് കേന്ദ്ര സര്ക്കാര് കള്ളപ്രചാരണങ്ങളിലൂടെ മുഖം രക്ഷിക്കാന് ശ്രമിക്കുകയാണെന്നും കനയ്യ കുറ്റപ്പെടുത്തി. എഐഎസ്എഫ് സംസ്ഥാന സമ്മേളനത്തിന്റെ ഭാഗമായി പ്രതിനിധി സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.