കോണ്ഗ്രസ് ഉപാധ്യക്ഷന് രാഹുല് ഗാന്ധിക്ക് നേരെ ഗുജറാത്തില് ആക്രമണം. രാഹുല് ഗാന്ധിയുടെ വാഹനത്തിന് നേരെ നാട്ടുകാര് കല്ലെറിഞ്ഞു. ഗുജറാത്തിലെ ബനസ്കന്ദയില് പ്രളയബാധിത പ്രദേശങ്ങള് സന്ദര്ശിക്കുന്നതിനിടെയാണ് നാട്ടുകാർ കല്ലെറിഞ്ഞത്. രാഹുലിനെതിരെ അക്രമികള് കരിങ്കൊടി കാണിക്കുകയും കാറിന് കല്ലെറിയുകയും ചെയ്തു.
ധനീറയിലെ പ്രളയബാധിത പ്രദേശത്തിലേക്കുളള യാത്രക്കിടയില് രാഹുലിന് നേരെ അക്രമികള് കല്ലെറിയുകയായിരുന്നുവെന്ന പൊലീസ സൂപ്രണ്ട് നീരജ ബദുഗുജാര് അറിയിച്ചു. കല്ലേറില് കാറിന്റെ വിന്ഡോകളിലൊന്നിന് കേടു വന്നതായും അദ്ദേഹം പറഞ്ഞു. ഗുജറാത്തിലെ ആറ് കോണ്ഗ്രസ എം.എല്.എമാര്ക്കൊപ്പമാണ് രാഹുല് സന്ദര്ശനം നടത്തുന്നത്.