തിരുവനന്തപുരം ശ്രീകാര്യത്ത് ബി.ജെ.പി പ്രവര്ത്തകന് കൊല്ലപ്പെട്ടതില് പ്രതിഷേധിച്ചുള്ള ബി.ജെ.പി ഹര്ത്താല് തുടങ്ങി. ആർഎസ്എസ് കാര്യവാഹ് രാജേഷാണ് മരിച്ചത്. രാത്രിയിൽ ശാഖ കഴിഞ്ഞ് വീട്ടിലേക്ക് മടങ്ങുമ്പോഴാണ് രാജേഷ് ആക്രമണത്തിന് ഇരയായത്. ആക്രമണത്തിനു പിന്നില് സി.പി.എം ആണെന്ന് ബി.ജെ.പി ആരോപിച്ചു. എന്നാല് ആക്രമണത്തില് പങ്കില്ലെന്നാണ് സി.പി.എം നിലപാട്.
രാത്രി ഒൻപത് മണിയോടെയാണ് നാലംഗ സംഘം രാജേഷിനെ അക്രമിച്ചത്. ശ്രീകാര്യം കല്ലംപള്ളിയിൽ കടയിൽ നിന്ന് പാൽ വാങ്ങി പുറത്തേക്കിറങ്ങവെ അകമിസംഘം ആക്രമിക്കുകയായിരുന്നു. കൈയ്ക്കും കാലിനും മുഖത്തും മാരകമായി വെട്ടേറ്റ് നിലത്തുവീണ് രാജേഷിനെ ഓടിക്കൂടിയ നാട്ടുകാര് ആശുപത്രിയിലെത്തിച്ചെങ്കിലും ജീവൻ രക്ഷിക്കാൻ സാധിച്ചില്ല. ആക്രമണത്തിൽ രാജേഷിന്റെ കൈപ്പത്തി പൂർണമായും അറ്റുപോയിരുന്നു. ബൈക്കിലെത്തിയ നാലംഗസംഘമാണ് ആക്രമണം നടത്തിയത് എന്നാണ് സൂചന. സംഭവത്തിനു പിന്നിൽ സി.പി.എം ആണെന്ന് ബി.ജെ.പി സംസ്ഥാന പ്രസിഡന്റ് കുമ്മനം രാജേശേഖരൻ ആരോപിച്ചു.
ആര്എസ്എസ് പ്രവര്ത്തകന് വെട്ടേറ്റു മരിച്ച സംഭവത്തില് സിപിഎമ്മിന് യാതൊരു ബന്ധവുമില്ലെന്ന് തിരുവനന്തപുരം ജില്ലാ സെക്രട്ടറി ആനാവൂര് നാഗപ്പന്. കഴിഞ്ഞ കുറച്ചു നാളുകളായി ഈ പ്രദേശത്തെ കോളനിയില് വ്യക്തിപരമായ ചില പ്രശനങ്ങളുണ്ടായിരുന്നു. ഇതിന്റെ തുടര്ച്ചയാണ് ഇന്നുണ്ടായ സംഭവമെന്നു കരുതുന്നുവെന്നും അദ്ദേഹം വ്യക്തമാക്കി.