E mail

    Password

    Forgot your password ?

    OR
    ×
  • Sign Out

Last Updated Thursday March 11 2021 09:34 AM IST

Facebook
Twitter
Google Plus
Youtube

മഹാരാജാസ് കോളജ് പ്രിൻസിപ്പലിനെ സ്ഥലം മാറ്റിയത് എസ് എഫ് ഐ നേതൃത്വത്തിന്റെ സമ്മർദ്ദത്തിനൊടുവിൽ

Your form is submitted successfully.

Recipient's Mail:*

( For more than one recipient, type addresses seperated by comma )

Your Name:*

Your E-mail ID:*

Your Comment:

Enter the letters from image :

Text Size
Your form is submitted successfully.

Recipient's Mail:*

( For more than one recipient, type addresses seperated by comma )

Your Name:*

Your E-mail ID:*

Your Comment:

Enter the letters from image :

എറണാകുളം മഹാരാജാസ് കോളജ് പ്രിൻസിപ്പൽ പ്രൊഫസർ എൻ.എൽ.ബീനയെ സ്ഥലം മാറ്റിയത് എസ് എഫ് ഐ നേതൃത്വത്തിന്റെ തുടർച്ചയായ സമ്മർദ്ദത്തിനൊടുവിൽ. പ്രിൻസിപ്പലിന്റെ കസേര കത്തിച്ച സംഭവത്തിൽ കുറ്റക്കാരെന്ന് കണ്ടെത്തിയ അധ്യാപകരടക്കം ക്യാമ്പസിൽ തുടരുമ്പോഴാണ് പ്രൊഫസർ ബീനയ്ക്കെതിരായ വിദ്യാഭ്യാസ വകുപ്പ് നടപടി. 

പ്രിൻസിപ്പൽ സ്ഥാനം ഏറ്റെടുത്ത നാൾ മുതൽ മഹാരാജാസിലെ എസ് എഫ് ഐ നേതൃത്വവുമായി ഏറ്റുമുട്ടലിലായിരുന്നു പ്രൊഫസർ എൻ.എൽ.ബീന. മതിയായ ഹാജറില്ലാത്ത വിദ്യാർഥി നേതാക്കളെ പരീക്ഷ എഴുതാൻ അനുവദിക്കാത്തതും, പൂർവ വിദ്യാർഥികളെ കോളജ് ഹോസ്റ്റലിൽ നിന്ന് ഒഴിപ്പിച്ചതും ഉൾപ്പെടെയുള്ള അച്ചടക്ക നടപടികൾക്കെതിരെ എസ് എഫ് ഐ നേതൃത്വം കാമ്പസിൽ തുടർച്ചയായി സമരം നടത്തി. കാമ്പസിൽ ആൺകുട്ടികളും പെൺകുട്ടികളും ഒന്നിച്ചിരിക്കുന്നതിനെതിരെ പ്രിൻസിപ്പൽ മോശം ഭാഷയിൽ പ്രതികരിച്ചെന്നാരോപിച്ച് എസ് എഫ് ഐ തുടങ്ങിയ സമരം പ്രിൻസിപ്പലിന്റെ കസേര കത്തിക്കുന്നതിൽ വരെ ചെന്നെത്തി.

എസ് എഫ് ഐ നേതാക്കൾ ഉപയോഗിച്ചിരുന്ന ഹോസ്റ്റൽ മുറിയിൽ നിന്ന് ആയുധം കണ്ടെത്തുകയും ഇതിന്റെ പേരിൽ കോളജ് യൂണിയൻ ഭാരവാഹികളും എസ് എഫ് ഐ യുണിറ്റ് സെക്രട്ടറിയും ഉൾപ്പെടെയുള്ളവരെ പുറത്താക്കുകയും ചെയ്തതായിരുന്നു ഒടുവിലത്തെ പ്രകോപനം. ഇതിന്റെ പേരിൽ എസ് എഫ് ഐ നേതാക്കൾ പ്രിൻസിപ്പലിനെ പരസ്യമായി ഭീഷണിപ്പെടുത്തുകയും ചെയ്തിരുന്നു. 

ഈ സംഭവത്തിനു പിന്നാലെ പ്രിൻസിപ്പലിനെ സ്ഥലം മാറ്റണമെന്ന ആവശ്യം എസ് എഫ് ഐ ഉന്നയിച്ചു. പക്ഷേ, ഇടത് അധ്യാപക സംഘടന അംഗമായ പ്രിൻസിപ്പലിനെ പിന്തുണച്ച് സംഘടനയിലെയും സി പി എമ്മിലെയും ഒരു വിഭാഗം രംഗത്തെത്തിയതോടെ എസ് എഫ് ഐ ആവശ്യം സർക്കാർ മാറ്റിവച്ചു. എന്നാൽ പുതിയ അധ്യയന വർഷം തുടങ്ങിയിട്ടും എസ് എഫ് ഐ യ്ക്ക് വഴങ്ങാൻ പ്രിൻസിപ്പൽ തയാറായില്ല. ഇതോടെ പ്രിൻസിപ്പലിനെ മാറ്റണമെന്ന ആവശ്യം എസ് എഫ് ഐ നേതൃത്വം ശക്തമാക്കി. ഇതേ തുടർന്നാണ് എസ് എഫ് ഐ ശക്തികേന്ദ്രങ്ങളിലൊന്നായി അറിയപ്പെടുന്ന തലശേരി ബ്രണ്ണൻ കോളജിലേക്ക് പ്രൊഫ.എൻ.എൽ.ബീനയെ സ്ഥലം മാറ്റിക്കൊണ്ടുള്ള ഉത്തരവ് പുറത്തിറങ്ങിയത്. പ്രിൻസിപ്പലിന്റെ കസേര കത്തിച്ച സംഭവത്തിൽ കുറ്റക്കാരെന്ന് കണ്ടെത്തപ്പെട്ട സി പി എം അനുകൂല അധ്യാപക സംഘടന നേതാക്കളടക്കം കാമ്പസിൽ തുടരുമ്പോഴാണ് പ്രൊഫസർ ബീനയ്ക്കെതിരായ നടപടി ഉണ്ടായതെന്നതും ശ്രദ്ധേയമാണ്. 

Your form is submitted successfully.

Recipient's Mail:*

( For more than one recipient, type addresses seperated by comma )

Your Name:*

Your E-mail ID:*

Your Comment:

Enter the letters from image :