ഇറാഖി സൈന്യം മൊസൂള് നഗരം പിടിച്ചെന്ന് റിപ്പോര്ട്ട്. ഒൗദ്യോഗിക സ്ഥിരീകരണമായില്ലെങ്കിലും സൈന്യം ആഹ്ലാദപ്രകടനം നടത്തുന്ന ദൃശ്യങ്ങള് പുറത്തുവന്നു. മൊസൂള് വീഴുന്നത് ഐഎസ് വിരുദ്ധ പോരാട്ടത്തിലെ നാഴികക്കല്ലാണ്. എട്ടുമാസങ്ങള്ക്ക് മുന്പ് തുടങ്ങിയ പോരാട്ടം അന്തിമവിജയത്തിലേക്ക്. മൊസൂളിന്റെ മുക്കാല്ഭാഗവും പിടിച്ചെടുത്ത് ഇറാഖ് സേന വിജയം ഉറപ്പിച്ച് കഴിഞ്ഞു. െഎഎസ് തീവ്രവാദികളെ പൂര്ണമായും തുരത്താനുളള പോരാട്ടം ഇനി എതാനും മീറ്ററുകള് കൂടി പിടിച്ചെടുന്നതോടെ പൂര്ത്തിയാകും.
ശക്തമായ ചെറുത്തുനില്പ്പുകളെ വിഫലമാക്കികൊണ്ടാണ് സേനയുടെ മുന്നേറ്റം. വിജയം ഉറപ്പിച്ച സൈനികര് ആഹ്ലാദം പങ്കിടുന്ന ദ്യശ്യങ്ങളും പുറത്തുവന്നിട്ടുണ്ട്. ഒരുലക്ഷത്തിലധികം മനുഷ്യരെ മനുഷ്യകവചമാക്കിയായിരുന്നു െഎഎസ് മൊസൂളില് പിടിമുറുക്കിയിരുന്നത്. ഇതിനെതിരെ െഎക്യരാഷ്ട്രസംഘടന തന്നെ രംഗത്തുവന്നിരുന്നു. മൊസൂള് കീഴടക്കിയാല് സമീപത്തെ ഗ്രാമങ്ങള് കേന്ദ്രീകരിച്ച് ഐഎസ് ആക്രമണം തുടരുമെന്നാണ് സൂചന. മൂന്നുവർഷം മുൻപാണു ആയിരക്കണക്കിന് ഐഎസ് ഭീകരർ മൊസൂൾ പിടിച്ചടക്കിയത്. ഐഎസിന്റെ തലസ്ഥാനമെന്ന് അറിയപ്പെടുന്ന മൊസൂളിലേല്ക്കുന്ന തിരിച്ചടി െഎഎസ് എങ്ങനെ പ്രതിരോധിക്കുെമന്നാണ് ലോകം കാത്തിരിക്കുന്നത്.