വനിതാക്രിക്കറ്റ് ലോകകപ്പില് പാക്കിസ്ഥാനെ ഇന്ത്യ 95 റണ്സിന് തകര്ത്തു. 170 റണ്സ് എന്ന ചെറിയ ടോട്ടല് പ്രതിരോധിച്ച ഇന്ത്യയ്ക്ക് വേണ്ടി ഏക്താ ബിഷ്റ്റ് 5 വിക്കറ്റ് വീഴ്ത്തി. 18 റണ്സ് മാത്രം വഴങ്ങി സ്വന്തമാക്കിയ ഏക്തയുടെ അഞ്ചുവിക്കറ്റ് നേട്ടം വനിതാ ലോകകപ്പിലെ ഇന്ത്യന് ബോളറുടെ ഏറ്റവും മികച്ച പ്രകടനമാണ്. ആദ്യം ബാറ്റ് ചെയ്ത ഇന്ത്യ 9 വിക്കറ്റ് നഷ്ടത്തിലാണ് 169 റണ്സെടുത്തത്. 4 വിക്കറ്റ് വീഴ്ത്തിയ സ്പിന്നര് നഷ്റ സന്ധുവാണ് പാക് ബോളര്മാരില് തിളങ്ങിയത്. 47 റണ്സെടുത്ത പൂനം റാവത്താണ് ടോപ്സ്കോറര്. ക്യാപ്റ്റന് മിഥാലി രാജ് 8 റണ്സെടുത്തും സ്മൃതി മന്ദാന 2 റണ്സെടുത്തും പുറത്തായി.
Advertisement