കൊച്ചിയില് നടി ആക്രമിക്കപ്പെട്ട കേസില് മുഖ്യമന്ത്രിക്കും അമ്മ സംഘടനയ്ക്കുമെതിരെ വിമര്ശനവുമായി കോണ്ഗ്രസ് രംഗത്ത്. അമ്മയുടെ യോഗത്തില് നടന്നത് ജനാധിപത്യത്തിന് യോജിക്കാത്ത നടപടിയെന്ന് കേരള കോണ്ഗ്രസ് ബി ചെയര്മാന് ആര്. ബാലകൃഷ്ണപിള്ള കുറ്റപ്പെടുത്തി.
സിനിമാതാരങ്ങളുടെ സംഘടനയ്ക്ക് അച്ഛന് എന്ന പേരാണ് ഉചിതമെന്നായിരുന്നു കെ.പി.സി.സി. പ്രസിഡന്റ് എം.എം.ഹസന്റെ വിമര്ശനം. നടിയെ ആക്രമിച്ച സംഭവത്തില് ഇത്രയും ഗുരുതരആരോപണങ്ങള് ഉണ്ടായിട്ടും സംഘടന ചര്ച്ച ചെയ്യാതിരുന്നത് ഉത്തരവാദിത്തമില്ലായ്മയാണെന്ന് ഹസന് കോഴിക്കോട്ട് പറഞ്ഞു. നടിയെ ആക്രമിച്ച കേസ് വഴിതെറ്റിച്ചതില് ഒന്നാംപ്രതി മുഖ്യമന്ത്രിയാണെന്ന് പ്രതിപക്ഷനേതാവ് രമേശ് ചെന്നിത്തല ആരോപിച്ചു.
കെ.ബി. ഗണേഷ് കുമാറും മുകേഷും ആരെയോ സംരക്ഷിക്കാന് ശ്രമിക്കുന്നതായി പറഞ്ഞ കെ.മുരളീധരന് അന്വേഷണം കാര്യക്ഷമമായാല് സിപിഎം നേതാക്കള് കുടുങ്ങുമെന്നും പറഞ്ഞു. എത്ര വലിയ താരമായാലും മാധ്യമങ്ങളെ കൂക്കിവിളിക്കുന്നത് ശരിയല്ലെന്നായിരുന്നു ആര്. ബാലകൃഷ്ണപിള്ളയുടെ വിമര്ശനം.